Технологийн дэвшлийг ашиглан хэрэглэгчдэд илүү хурдан, найдвартай үйлчилгээ үзүүлэх зорилготой UBCab Express компани нь shoppy.mn онлайн худалдааны платформтой албан ёсны хамтын ажиллагаагаа эхлүүллээ. Shoppy.mn нь 2017 оноос хойш тасралтгүй үйл ажиллагаагаа явуулж буй үндэсний тэргүүлэгч цахим худалдааны платформ юм. Монголын анхны хиймэл оюун ухаанд суурилсан уг онлайн худалдааны платформд өдгөө 1,8 сая гаруй хэрэглэгч нэгдэж, өдөрт 1300 гаруй захиалга бүртгэгддэг байна. Хэрэглэгчдийн хэрэгцээ шаардлагад бүрэн нийцсэн бараа бүтээгдэхүүнийг санал болгох үүднээс дотоодын төдийгүй олон улсаас хүссэн бараагаа захиалах боломжийг бүрдүүлэн ажилладаг. Тус технологийн компаниудын хамтын ажиллагааны хүрээнд shoppy.mn-ээс худалдан авалт хийсэн хэрэглэгчдэд UBCab Express-ийн өргөн цар хүрээтэй тээврийн сонголттой илүү хурдан хүргэлтийн үйлчилгээгээр ачаа барааг гараас гарт, шуурхай, найдвартай хүргэх үйлчилгээг шат дараатайгаар эхлүүлэхээр болж байна.
“UBCab Express” ХХК-ийн Гүйцэтгэх захирал Ө.Батзориг: Shoppy.mn-тэй хамтын ажиллагаагаа эхлүүлж буйд бид тун таатай байна. Энэ нь хүргэлтийн сүлжээг улам өргөжүүлж, хэрэглэгчдэд илүү дэвшилтэт, чанартай үйлчилгээ үзүүлэхэд чухал алхам болж байна.
“Шоппи” ХХК-ийн Гүйцэтгэх захирал Ч.Даваажамц: UBCab Express-ийн хурдан, найдвартай хүргэлтийн үйлчилгээг бид хэрэглэгчдэдээ санал болгох болсондоо баяртай байна. Энэ хамтын ажиллагаа нь манай үйлчилгээг улам сайжруулж, хэрэглэгч ачаа, бараагаа илүү хурдан, илүү найдвартай авах боломжийг бүрдүүлж байна. UBCab Express болон Shoppy.mn-ийн хамтын ажиллагаа нь онлайн худалдааны зах зээлд технологийн шинэ шийдлүүдийг нэвтрүүлж, хэрэглэгчдэд илүү хялбар, тав тухтай үйлчилгээг санал болгоход чиглэгдсэн томоохон алхам болж байна.
