Баянгол дүүргийн 22 дугаар хорооны нутаг дэвсгэрт нэгдүгээр сарын 23-24-нийг шилжих шөнө гэр бүлийн 6 хүн угаартаж нас баржээ. Тодруулбал, тус хороонд өрх толгойлсон ээж 4 хүүхэд, мөн хамаатныхаа нэг хүүхэдтэй хамт амьдардаг байсан бөгөөд урьдчилсан байдлаар угаарын хордлогын улмаас нас барсан гэж тогтоогджээ. Уг хэргийг ЦЕГ-аас үргэлжлүүлэн шалгаж байна.

Иймд иргэд та бүхэн галлагаагаа хийхдээ анхаарал болгоомжтой байж угаарын хордлогоос сэргийлээрэй. Аюулгүй галлагааны дараах зөвлөмжийг хүргэж байна.  Үүнд:

• Түлшийг чийггүй хуурай орчинд хадгалах
• Ханан пийшин, янданг хөөлж цэвэрлэн, агаарын урсгалыг чөлөөтэй болгох
• Зуух пийшингийн битүүмжлэлийг шалгах
• Янданг дээврээс дээш 0,5 м байрлуулах 
• Түлшний дүүргэлтийг 60-70 байхаар тооцож хэт ихээр дүүргэхгүй байх
• Нунтаг түлш хэрэглэхгүй байх
• Яндангийн сойлтыг хаахгүй байх 
• Угаар мэдрэгчийн хэвийн ажиллагааг шалгаж аюулгүй байдлаа хангаарай.