УИХ-ын өнөөдрийн чуулганы хуралдаанаар “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” УИХ-ын тогтоолын төслийг хэлэлцэж байна. Хэлэлцэх асуудалтай холбогдуулан Ерөнхий сайд Л.Оюун-Эрдэнэ чуулганы нэгдсэн хуралдаанд үг хэлсэн юм. Тогтоолын төсөлтэй холбогдуулан асууж байгаа гишүүдийн асуултад Ерөнхий сайд Л.Оюун-Эрдэнэ болон Хотын дарга Х.Нямбаатар, Засгийн газрын гишүүд хариулж байна.

УИХ-ын гишүүн Ө.Шижир: Энэ бол Улаанбаатар хотын зургаа дахь төлөвлөлт. Хамгийн сүүлд 2006 онд баталсан ч хэрэгжилт 29 буюу хэрэгжүүлж чадаагүй. Тиймээс Х.Нямбаатар даргад маш их даалгавар ирж байна. Өнгөрсөн хугацаанд Улаанбаатар хотын эрчим хүч, цахилгаан дулаан гээд дэд бүтцүүдийг шинэчлээгүй, байгаа дэд бүтэц дээрээ шамбааралдсаар байгаад өнөөдрийн Улаанбаатар бий болсон. Улаанбаатар хот бол төлөвлөлтгүй, зохион байгуулалтгүй, замбараагүй, томоос тос тосгон болж хувирсан. Үүнийг цэгцлэх юм байна гэж ойлгож байгаа. Яагаад гэхээр Улаанбаатар хотын түүхэн байгаагүй хамгийн их төсөв, мөнгөтэй дарга бол Х.Нямбаатар. 2012 онд Э.Бат-Үүл хотын дарга болж байхад 337 тэрбум төгрөгийн төсөвтэй байсан бол өнөөдөр 3 их наяд 800 тэрбум төгрөг нэмэх нь 500 сая бондын төсөвтэй байгаа.

Улаанбаатар хотод өөрийн гэсэн биеийн тамирын талбайтай сургууль цэцэрлэг, ногоон байгууламжтай эмнэлэг байхгүй. Үүнийг үе үеийн хотын дарга газрыг нь олгоод, барилга орон сууц болгосон. Үүнд ямар хариуцлага тооцох вэ.