2023 оны гуравдугаар сарын 13-ны хуучин зураг ашиглав.Рио Тинто групп Оюу толгой ХХК-д тавьсан татварын маргааныг 295 сая доллар /нэг их наяд төгрөг/-аар эцэслэж, удаан хугацаанд үргэлжилж буй уг асуудлыг харилцан ойлголцлын замаар шийдвэрлэх саналаа Монголын Засгийн газарт хүргүүлсэн талаар “Financial Review” мэдээлжээ.Тодруулбал, Рио Тинтогийн Зэсийн олборлолтын захирал Кэти Жексон өнгөрсөн арванхоёрдугаар сард Монгол Улсын Аж үйлдвэр, эрдэс баялгийн сайд Ц.Туваанд захидал бичиж, 2013-2020 оны хоорондох татварын нэхэмжлэлийг шийдвэрлэхийг санал болгосон талаар “The Australian Financial Review” сэтгүүлд мэдээлсэн байна.Монголын татварын албанаас 2018 онд Оюу толгой ХХК-ийн 2013-2015 оны үйл ажиллагаанд шалгалт хийж, татварын акт тавьсан байдаг. Оюу толгойн хувьцаа эзэшигч Рио Тинто групп энэхүү татварын актаас 4.8 сая ам.долларыг хүлээн зөвшөөрсөн. Гэсэн хэдий ч татварын байцаагчийн тавьсан актын төлбөрийг тусгай дансанд байршуулсан байдаг. Талууд татварын маргааны асуудлаар удаа дараа уулзалдаж, ойлголцолд хүрэхээр ярилцсан боловч нэгдсэн шийдэлд хүрч чадаагүй юм.
