АНУ-ын Ерөнхийлөгчөөр сонгогдсон Дональд Трамп хоёр дахь бүрэн эрхийн хугацаанд цагаачдыг чиглэсэн олон арга хэмжээ хэрэгжүүлнэ гэж шинжээчид үзэж байна.

Цагаачлалын төвийн гүйцэтгэх захирал Керри Талбот “Newsweek” сэтгүүлд хэлэхдээ, "Энэ бол санаа зовоосон асуудал. Бид дөрвөн жил тутам бодлогоо өөрчлөөд байж болохгүй,  дэлхий АНУ-тай хэрхэн харилцахаа мэдэхгүй байна" гэжээ.

Яагаад чухал вэ

Трампын шийдвэр 20 сая орчим цагаачдад, холимог статустай АНУ-ын иргэний 5.1 сая хүүхдэд нөлөөлж болзошгүйг дурджээ. Цагаачлалын төв Байдены засаг захиргаанаас тогтоосон олон хууль эрх зүйн хамгаалалтыг  цуцлах вий гэж эмээж байна.

Цагаачлалын төвийн санамж бичигт шинэ засаг захиргаа "Шударга, эмх цэгцтэй цагаачлалын тогтолцоог сэргээхийн тулд Байден-Харрисын засаг захиргааны ахиц дэвшлийг буцаах шийдвэр гаргана гэж үзэж байна.  

АНУ-ын иргэд өртөх болно

Трамп Үндсэн хуульд тусгасан хөтөлбөрийг зогсооно гэсэн сүрдүүлгээ биелүүлбэл иргэншилтэй 1.8 сая хүүхэд эрсдэлд орно гэж Цагаачлалын төвөөс үзэж байна. Трамп болон АН-ынхан арваннэгдүгээр сард ялалт байгуулж, Конгресс болон Цагаан ордны хяналтыг тэдэнд олгосон нь цагаачлалын өргөн хүрээг хамарсан өөрчлөлтийг батлах бүрэн эрхтэй гэсэн үг.

Эх сурвалж: Newsweek.com