Хууль зүй, дотоод хэргийн яаманд өнөөдөр "Хууль бус хөрөнгийг хураан авах, нөхөн төлүүлэх тухай хуулийн төсөл"-ийн олон нийтийн хэлэлцүүлэг болсон. Тус хэлэлцүүлгийн үеэр маргалдсан иргэдийн үйлдлийг цагдаагийн байгууллагаас шалгаж эхэлжээ.

Тодруулбал, иргэн С, Үнэн ба зөв намын үүсгэн байгуулагч О нар хэлэлцүүлэгт оролцож байсан иргэн Д-тэй маргалдсан байна. Ийнхүү иргэн С-ыг танхимаас гаргаж, хэлэлцүүлгийг дуусгажээ. Дээрх зөрчлийн шинжтэй үйлдлийг Чингэлтэй дүүргийн цагдаагийн газрын нэгдүгээр хэлтэс материалжуулан шалгаж байгаа талаар цагдаагийн байгууллагаас мэдээллээ.