Засгийн газрын хуралдаанаар хэлэлцэн шийдвэрлэсэн асуудлаар Хотын дарга Х.Нямбаатар мэдээлэл хийлээ. Өнөөдрийн Засгийн газрын хуралдаанаар Улаанбаатар хотыг 2040 он хүртэл хөгжүүлэх ерөнхий төлөвлөгөөний төслийг УИХ-д өргөн барихаар шийдвэрлэлээ.

Энэ талаар Хотын дарга Х.Нямбаатар: Өнөөдрийн Монгол Улсын Засгийн газрын ээлжит хуралдаанаар 2040 он хүртэл Улаанбаатар хотын хөгжлийн чиг хандлагыг тодорхойлсон хотын суурь баримт бичгийг буюу хотын хот төлөвлөлтийн үндсэн хууль болох баримт бичгийг Монголын хот төлөвлөгчид болон гаднын хот байгуулалт, хот төлөвлөлтийн чиглэлийн судлаачдын хамтарсан судалгааны үр дүнд хотын ерөнхий төлөвлөгөөг боловсрууллаа.

2040 он хүртэлх ерөнхий төлөвлөгөөг боловсруулах явцад өмнөх таван ерөнхий төлөвлөгөөний хэрэгжилтэд дүгнэлт хийгдлээ. Тухайлбал 2020 он хүртэл хөгжүүлэх ерөнхий төлөвлөгөөний хэрэгжилтийг 29.3 хувьтай байна гэх дүгнэлт гарсан. 70 гаруй хувийн хэрэгжилт биелэгдээгүй шалтгаан бол санхүүгийн нөөц бололцоогүй байдал болон шугам сүлжээтэй хэсгүүд рүү хот төлөвлөлтийн дүрмийг зөрчиж хэт төвлөрүүлж орон сууцжуулах бодлого явагдсан нь 2020 он хүртэл хөгжүүлэх ерөнхий төлөвлөгөөний алдаа байсан.

2024 он хүртэл 240 их наяд төгрөгийн төсөл хөтөлбөр хэрэгжүүлнэ

Нийслэлийн 2040 он хүртэл хөгжих ерөнхий төлөвлөгөөг хэрэгжүүлэхэд ойролцоогоор 240 гаруй их наяд төгрөгийг зарцуулах урьдчилсан төлөвлөгөө гарсан. Үүний 120 орчим их наяд төгрөгийг улс нийслэлийн төсвийн хөрөнгөөс 16 жилийн хугацаанд ялангуяа инженерийн хангамжийг нэмэгдүүлэх, дулаан хангамжийг нэмэгдүүлэх, цахилгаан хангамжийг нэмэгдүүлэх, цахилгаан болон дулааны шугам сүлжээг өргөтгөн шинэчлэх чиглэлд зарцуулна. Инженер хангамжийн төлөвлөлттэй, боломж нь бүрдсэн техникийн төсөлтэй газруудад төр хувийн хэвшлийн хамтралаар 120 гаруй их наяд төгрөгийн бүтээн байгуулалтыг хийх төлөвлөлтийг гаргасан. Ингэснээр бид тодорхой үр дүнд хүрэх болно. Тухайлбал,