УИХ-ын дэд дарга Б.Пүрэвдорж, Ш.Бямбасүрэн, Д.Пүрэвдаваа нарын гишүүд Хуурамч шатахууны эсрэг хуулийн төсөл өргөн барьж байгаа тухай мэдээллээ.УИХ-ын гишүүн Б.Пүрэвдорж: МАН-ын өнгөрсөн парламентад байсан нэлээд олон гишүүн дам болон дам бусаар Трафигура компанийн нөлөөнд орсон. Тийм учраас миний хуурамч шатахуунытай холбоотой хууль 2023 онд хүчингүй болсон гэж үздэг. Энэ удаа жалга довын үзэл гаргахгүйгээр бүсээс сонгогдсон гишүүд нөхцөл байдлыг өөрөөр үнэлж үзээд энэ хуулийг дахин хэлэлцүүлж батлуулж өгнө гэдэгт эргэлзэхгүй байна. Энэ хуулийг батлуулснаар агаарын бохирдол 30 хувиар буурна. Хотын гудамжаар явж байхад урд талын машин ямар муухай үнэртэй шатахуун ялгаруулдаг билээ. Энэ нь Монголчуудын эрүүл мэндэд маш хортойгоор нөлөөлж байгаа. Тийм учраас Монголчуудынхаа эдийн засгийн аюулгүй байдал, шударга өрсөлдөөний төлөө энэ хуулийг өргөн барьж байна.Ш.Бямбасүрэн: Газрын тосны бүтээгдэхүүн үйлдвэрлэлийн дайвар бүтээгдэхүүн дээр татвар тогтоох тухай асуудлын заалтыг оруулж байнаУИХ-ын гишүүн Ш.Бямбасүрэн: Бид чөлөөт зах зээлийн нийгэмд амьдарч байгаа. Чөлөөт зах зээлийн хамгийн чухал зүйл бол өрсөлдөөн байдаг. Тэр тусмаа шударга өрсөлдөөн маш чухал. Гэтэл Монголд хуулийн цоорхойг ашиглан нэг хэсэг нь татваргүй бараа бүтээгдэхүүн импортолж оруулж ирээд татвар төлж буй хэсэгтэйгээ өрсөлдөж байна. Энэ бол бизнесийн орчинд сөргөөр нөлөөлж өрсөлдөөнийг хязгаарласан хуулийн цоорхой. Үүнийг зайлшгүй арилгах ёстой. Шударгаар татвараа төлөөд явж байгаа олон аж ахуй нэгжүүдийн эрх ашиг хөндөгдөж байгаа. Цаашлаад Монгол Улсын импортын шатахуунаас орж ирэх төсвийн орлого тасарч байна. Энэ хууль батлагдсанаар төсвийн орлогоо хууль ёсны дагуу авна. Түүнчлэн, хэрэглэгчид хохирч байгаа асуудлыг байхгүй болгоно. Олон иргэд хуурамч шатахуун, дизель түлш хэрэглэснээрээ эдийн засгийн хувьд маш их хохирол амсаж байгаа.
