Албаны хүмүүс, мэргэжилтнүүд, бизнес эрхлэгчид БНХАУ-ын дарга Ши Жиньпиний 2025 оны шинэ оны мэндчилгээг сайшааж, түүний хэлсэн үг Хятадын ард түмэн болон дэлхий дахинд итгэл найдвар төрүүлж, өнгөрсөн онд Хятад улс өндөр чанартай бүтээн байгуулалт хийж, гайхалтай амжилт гаргасныг харуулж байна гэж хэвлэлийнхэн мэдээлжээ.
Ши Жиньпин “2024 онд бид дөрвөн улирлыг хамт тууллаа. Хамтдаа салхи, бороог туулж, солонго татахыг харлаа. Эдгээр сэтгэл хөдөлгөм, мартагдашгүй мөчүүд бидэнд ямар ер бусын жил өнгөрснийг харуулсан гэрэл зургийн хальснууд шиг байлаа” хэмээн шинэ жилийн мэндчилгээгээ эхлүүлсэн юм.
"БНХАУ-ын дарга Ши Жиньпин мягмар гарагийн орой дэвшүүлсэн шинэ оны мэндчилгээндээ улс орон өндөр чанартай хөгжил, бие даасан байдал, ард түмний сайн сайхан байдлыг сайжруулахын төлөө тууштай зүтгэж байгааг онцоллоо" гэж нэрт Хятад судлаач Роберт Лоуренс Кун мэдэгдэв. Тэрээр Ши Жиньпиний хэлсэн үгийн өнгө аяс, бүтэц, сэдвийн ангилал нь зан заншил, тууштай байдлыг тусгадаг ч томоохон сэдвүүдийн нарийн өөрчлөлт орсон байгаа нь Хятадын удирдагч юу бодож байгаа, тус улсад юу болохыг ойлгох боломж олгож байна гэж онцолжээ.
Ши Жиньпин шинэ оны мэндчилгээндээ 2024 онд тохиолдсон үйл явдлуудыг "дөрвөн улирал" гэсэн зүйрлэлээр илэрхийлжээ. Тэрээр дотоод, гадаад орчны өөрчлөгдөж буй олон талын нөлөөллийг хүлээн зөвшөөрч, Хятадад тулгарч буй сорилтуудыг нэн тэргүүнд тавьж, Хятад улс хэрхэн идэвхтэй хариу арга хэмжээ авсныг итгэлтэйгээр тодорхойлсон" гэж Кун хэлэв. Мөн Ши Жиньпин өндөр чанартай хөгжлийг нэн тэргүүний зорилтоо болгож байна гэжээ.
"Хятадын аяга илүү их хятад үр тариагаар дүүрлээ" гэж хэлсэн нь гадаадаас хамаарал багассан гэсэн утга илэрхийлж байгаа аж. Шинэ хотжилт, хөдөөгийн сэргэлт, ногоон хөгжил зэргийг нэмэгдүүлэх талаар дурдсан нь Ши Жиньпиний хөгжлийн шинэ үзэл баримтлалтай нийцэж байна гэж Кун хэлсэн юм.
Ши Жиньпин иргэдийнхээ амьдралыг сайжруулахад анхаарч байгааг "Бидний өмнө байгаа бүх ажлын дотроос ард иргэдээ аз жаргалтай, эрүүл амьдруулах нь хамгийн чухал” гэж хэлснээс харж болно. Тэрээр Хятад улс дэлхийн энх тайван, хөгжил дэвшилд хувь нэмрээ оруулна гэсэн амлалтаа онцолсон байна.
Эквадор улсаас Хятадад суугаа Элчин сайд асан Карлос Ларреа Ши Жиньпиний шинэ жилийн мэндчилгээ дэлхий нийтийн хамтын ажиллагааг хөгжүүлэхэд эерэг нөлөө үзүүлж байгааг онцлон тэмдэглэжээ. Тэрээр "Хөгжиж буй орнуудад чанартай хамтын ажиллагааны хэтийн төлөвийг нээж өгч байгаа учраас Хятад улсын хөгжил нь олон улсын хамтын нийгэмлэгийн хувьд стратегийн ач холбогдолтой" гэж хэлжээ.
БНХАУ-ын дарга Ши Жиньпиний хэлсэн үг Хятад улс энх тайван, нийгэм-эдийн засгийн хөгжлийг ахиулах, ядуурал, дэлхийн шударга бус засаглалын тогтолцооны эсрэг тэмцэх хүсэлтэй улс орон бүртэй хамтран ажиллахад бэлэн байна гэсэн мессежийг дэлхий нийтэд өгч байна гэж шинжээчид дүгнэжээ.
