Нийслэлийн иргэдийн төлөөлөгчдийн хурлын ээлжит бус хуралдаан өнөөдөр болж, зургаан асуудал хэлэлцүүлэхээр товлосон байна. Хуралдааны эхэнд нийслэлийн 2025 оны төсөвт нэмэлт, өөрчлөлт оруулах тухай, нийслэлийн 2025 оны төсөв батлах тухай асуудлуудыг хэлэлцлээ.

Нийслэлийн 2025 оны төсвийн төсөлд орлогыг 3 их наяд 856.3 тэрбум төгрөг байхаар төлөвлөсөн  бөгөөд 3 их наяд 314.4 тэрбумыг татварын орлогоор 541.9 тэрбум төгрөгийг татварын бус орлогоор бүрдүүлэхээр төлөвлөсөн юм.

Нийслэлийн 2025 оны төсвийн жилд зарцуулах зарлага 5.9 их наяд төгрөгөөр баталж төсвийн ерөнхийлөн захирагч тэдгээрийн харьяа байгууллагад дор дурдсан төсөвт зарцуулах эрх олгосугай.

Нийслэлийн ерөнхийлөг захирагч нарын төсөв

• Иргэдийн төлөөлөгчдийн хурлын дарга 64.6 тэрбум
• Засаг дарга 5.8 их наяд
• Урсгал зардлын дээд хэмжээ нэг 1.1 их наяд
• Хөрөнгийн зардлын дээд хэмжээг 4.7 их наяд

4. Нийслэлийн 2025 оны төсвийн жилд нийслэлийн төсвийн хөрөнгөөр хэрэгжүүлэх хотын хөрөнгө оруулалтын төсөл арга хэмжээний зардлын хэмжээг 1.5 их наяд төгрөг байна

• Замын сангийн хөрөнгөөр хэрэгжүүлэх хөрөнгө оруулалтын төсөл арга хэмжээний зардлын хэмжээ 153 тэрбум
• Нийслэлийн үнэт цаасны хөрөнгөөр хэрэгжүүлэх хөрөнгө оруулалтын төсөл арга хэмжээг 2.1 их наяд
• Нийтийн тээврийн хөгжүүлэх сангийн хөрөнгөөр хэрэгжүүлэх хөрөнгө оруулалтын төсөл арга хэмжээ 29 тэрбум
• 2024-2025 он дамжин санхүүжих хөрөнгө оруулалтын төсөл арга хэмжээний зардлын хэмжээг 773 тэрбум

Нийслэлийн 2025 оны төсвийн жилд нийслэлийн төсвөөс дүүргийн төсөвт олгох санхүүжилт 14 тэрбум төгрөг байна.