Засгийн газрын ээлжит хуралдаанаар хэлэлцэн шийдвэрлэсэн асуудлаар мэдээлэл хийлээ.
Байгаль орчны сайд С.Одонтуяа: Засгийн газрын ээлжит хуралдаанаар 2023 онд татан буугдсан Орчны бохирдлыг бууруулах үндэсний хороог дахин байгуулах шийдвэр гаргасан. Энэхүү үндэсний хороогоор агаарын бохирдлыг бууруулах богино, дунд, урт хугацааны төлөвлөгөөг гаргаж ажиллана. Түүнчлэн, Үндэсний хороо нь УИХ, салбар яамнууд, нийслэл, аймаг, дүүрэгтэй хамтран ажиллаад явна. Орчны бохирдлыг бууруулах үндэсний хороо ард иргэдэд үнэн зөв мэдээллийг тогтмол ойлгомжтой хүргэх ажлаас эхэлнэ. Учир нь зарим хэмжилтийн мэдээллийг дарж гаргаад байгаа юм биш үү гэсэн эргэлзээтэй хандлагууд гарч байгаа. Иргэдийн гомдол их байна. Ямар стандартаар хэмжиж байгааг ЦУОШГ-аас нэгдсэн байдлаар түгээнэ. Эргэлзээтэй олон мэдээллийг нэгтгэж ард иргэдэд түгээх нь чухал байна. Мөн үндэсний хороо Засгийн газар, нийслэл, салбар яамнууд, аймаг, дүүргүүд, нэгдсэн нэг ойлголттой болох, ард иргэдийг олон янзын мэдээллээр төөрөгдүүлэхгүй байх ажлуудыг хийнэ. Ялангуяа түлшний орц, найрлага, хатаалга, технологийн дарааллын талаар мэдээллийг албан ёсоор өгнө. Цаашлаад зуух, дулаалга, цахилгаанаар халах, хийн түлш гээд олон зүйлийг ярьж байгаа. Сайжруулсан түлшний дараагийн шилжилтийг хийх асуудлыг хүндэсний хороо хариуцаж ажиллана.
Түүхий нүүрсэнд зөвшөөрөлтэй болон зөвшөөрөлгүй хэсгийн асуудал яригдаж байна. Зөвшөөрөлгүй хэсэгт захиргааны арга хэмжээ авагдана. Үүнийг нийслэл хариуцна. Зөвшөөрөлтэй хэсэг нэлээд олон байгууллагыг хамарч байгаа. Энэ байгууллагууд дээр усан халаалтын зуухнуудад технологийн шинэчлэлийг хурдан хийх вэ гэдэг асуудлыг шийднэ. Үүнд Хууль зүй, дотоод хэргийн яам, Батлан хамгаалах яам, Боловсролын яамны нэлээд олон обьектууд хамрагдаж байгаа.
Агаарын бохирдлын нэлээд хэсгийг автомашины утаа эзэлж байгаа. Тэгэхээр эхний ээлжид нийслэлийн тээврийн 1191 автомашиныг Евро-5 стандарт руу шилжүүлсэн. Өнөөдрийн Засгийн газрын хуралдаанаар төрийн 2000 гаруй автомашиныг яаралтай стандартын шаардлагад нийцүүлэхийг үүрэг болгосон. Учир нь нийслэлд 2023 онд 325 мянган машин байсан бол өнөөдөр 804 мянган машин байгаа нь агаарын бохирдлыг бууруулахад нөлөө үзүүлж байна. Дизель түлш Евро-5 стандарттай харьцуулахад маш олон бохирдлыг үүсгэдэг. Иймд ОХУ-тай түлшний үнийн асуудлын талаар ярилцана.
Ер нь бол дунд, урт хугацаандаа ногоон шилжилт рүү орох, цахилгаан автомашинуудыг олноор оруулж ирэх, татваргүй болгох асуудлыг УИХ-аар шийдүүлэх зэрэг технологийн шийдлүүдийг үндэсний хороо дэмжиж ажиллахаар болсон. Ялангуяа хиймэл оюун ухаанд суурилсан хиймэл оюун ухаанд суурилсан хяналт, шалгалтын бүс зэрэг зүйлүүд дээр нэлээд ажиллана. Тийм учраас иргэд, аж ахуй нэгж, хэвлэл мэдээллийн байгууллагууд хамтарч, дэмжиж ажиллахыг хүсье.
