УИХ-ын гишүүн Ж.Чинбүрэн гадаад орчны бохирдол, утаа нь хүний элгийг өвчлүүлж, цаашлаад элэгний хорт хавдар тусахад нөлөөлж байгаа талаар судалгааны дүнг танилцуулж, сайжруулсан түлшинд агуулагдаж буй бодисууд хүний эрүүл мэндэд хэрхэн нөлөөлж байгааг ард иргэдэд үнэн зөвөөр мэдээлэх ёстой гэв.
УИХ-ын гишүүн Ж.Чинбүрэн: Шинжлэх ухааны үндэслэлтэйгээр утаа элэгний хорт хавдар үүсгэж байгаа судалгааг танилцуулж байна. Энэ судалгааг хийхдээ 200 гаруй элэгний хорт хавдраар эмчлүүлсэн хүмүүсээс авсан дээжийг Европ, Америкийн мөн адил 200 орчим элэгний хорт хавдар туссан хүмүүсийн дээжтэй харьцуулж, юу нь ялгаатай байна гэдгийг судалсан. Элэгний хорт хадвартай хүнд халгалгаа хийгээд хавдартай эсээс нь, мөн хавдартай наалдсан эрүүл эсээс нь дээжийг авч шинжилсэн. Энэ бол хавдар үүсэхэд ямар, ямар мутаци байгааг судлах том судалгааны арга. Монголчуудын хувьд D+B вирусийн халдвар 71 хувьд илэрсэн бол Европ, Америкуудад 21 хувь гэж гарсан. Мөн С вирусийн халдвар өндөр байна. Өөр нэг анхаарах зүйл нь гадаад орчны бохирдлын нөлөөлж байна гэсэн дүгнэлт гарсан. Биологийн судлаачид үүнийг DMS буюу D митиль сульфат гэдэг хорт хий. Энэ нь элэгний анхдагч өмөн үүсэхэд нөлөөлж байна.
Сайжруулсан биш муужруулсан түлштэй болчхоод байна
У.Хүрэлсүх Ерөнхий сайд байхад Улаанбаатар утаагүй болсон шүү дээ. Түүхий нүүрс түлэхгүй гээд маш зөв шийдвэр гаргаж байсан. Хамгийн сайн коксжсон нүүрсийг угааж барьцалдуулагч холиод түлш болгоод савлаад ард иргэдэд өгч байсан. Тэгвэл өнөөдөр яагаад ухралт хийчихэв. Сайжруулсан түлш биш муужруулсан түлштэй болчихоод байна. Монголд элэгний хорт хавдартай дөрвөн хүн тутмын нэг нь DMS буюу генийн гаж хувьсалд орж, тэр нь хавдар үүсгэх шалтгаан болж байна гэдгийг судалгаагаар нотоллоо.
Маш олон жил (15-20 жил) түүхий нүүрс түлсний элгийг өвчлүүлж, тэр элэгний хорт хавлар болж байгааг нотолсон. Сайжруулсан түлш хийж байна гээд муужруулсан түлш түлвэл бүр дордоно. Тиймээс сайжруулсан түлшийг сайжруулснаар нь байлгах технологийн жор, дүрмийг зөрчихгүйгээр хийлэг байх шаардлагатайг судалгаа нотолж байна.
Миний бие ард иргэдийн хүсэлтийн дагуу УИХ-ын байгуулж байгаа түр хороонд орох хүсэлтээ өгч байгаа. Сайжруулсан гэж хэлж байгаа муужруулсан түлшинд ямар орц найрлагатай бодис орж байгаа, тэр нь хүний эрүүл мэндэд яаж нөлөөлж байгааг нотлох баримтаар сонсгож, буруутай этгээдүүдэд хариуцлага хүлээлгэх ёстой. Түр хороонд эмч хүний хувьд заавал орж ажиллана гэлээ.
