УИХ-ын гишүүн А.Ундраа Зам тээврийн сайд Б.Дэлгэрсайханд Богдхан уулыг нүхэлж, Хөшигийн хөндий рүү нэвт гарах туннел барих төслийн урьдчилсан техник эдийн засгийн үндэслэл, зураг төсөл шалгаруулах 55.3 тэрбум төгрөгийн өртөг бүхий тендерийг цуцлахыг шаарджээ.
А.Ундраа гишүүн Богдхан уулыг нүхлэх нь байгаль орчинд сөргөөр нөлөөлөх бөгөөд Төрийн тахилгат 10 хайрхны нэг гэдгийг албан бичигтэй тодорхой сануулсан байна. Мөн Богдхан уулыг нүхлэх буюу туннел барих төслийн зөвхөн ТЭЗҮ, зураг төслийн ажил нь 5.5 их наяд төгрөгөөр тооцогдож байгаа бөгөөд төслийг хэрэгжүүлэхэд гарах нийт зардал маш өндөр байхаар байгаа аж. Хөшигийн хөндийн 30 км замыг 15 км урт туннелээр товчлох зорилго бүхий энэ төсөл цөөн иргэдэд чиглэсэн эдийн засгийн үндэслэлийн хувьд үр ашиггүй, хэт өндөр өртөгтэй байгааг сануулжээ.
Шаардлагыг бүрэн эхээр нь хавсаргав.
