НИТХ өчигдөр хуралдаж, нийслэлийн 2025 оны төсвийг баталсан.2025 онд нийслэл Улаанбаатар хот 3,807.6 тэрбум төгрөгийн орлого төвлөрүүлэхээр тооцсон байна. Нийт орлогын 87.8 хувь 3.3 их наяд төгрөгийг татварын орлогоос, үлдсэн 465 тэрбум төгрөгийг татварын бус орлогоостөвлөрүүлэхээр тооцжээ. Нийслэлийн орлогыг энэ оныхоос 648.9 тэрбумаар нэмэгдүүлэхээр баталсан. Энэ нь энэ оны хүлээгдэж байгаа гүйцэтгэлээс 30.4 хувиар нэмэгдсэн орлого юм. Тэгвэл нийслэл энэ орлогыг бүх төрлийн татвар нэмэх замаар бүрдүүлэхээр тооцжээ. Тодруулбал, 2025 онд хувь хүний орлогын албан татвараас 251.9, хөрөнгийн албан татвар 107.7, татварын бус орлого 351.1 тэрбумаар нэмэгдүүлнэ гэж тооцсон байна. Түүнчлэн зам ашигласны төлбөр тав, өөрөө явагч тээврийн хэрэгслийн албан татврыг гурав дахин нэмэгдүүэхээр баталсан. Ингэснээр нийслэл нийт орлогынхоо 85.9 хувийг буюу 3,314.4 тэрбум төгрөгийг татварын орлогоор 14.1 хувийг татварын бус орлогоор бүдүүлэхээр байгаа юм. Үүний 73 хувийг орлогын албан татвараар бүрдүүлэхээс хувь хүний орлогын албан татвар 48.6, аж ахуйн нэгжийн орлогын албан татвар 24.4, хөрөнгийн албан татвар 6.7, бусад татвар 6.3 хувийг бүрдүүлэхээр байгаа юм. Мөн ирэх жилээс хогны мөнгийг нэмэхээр болжээ. Тодруулбал, хог хаягдлын үйлчилгээний хураамжийг бүх дүүргүүдэд шинэчилсэн тарифаар тооцоолсон нь энэ төрлийн татвар 2024 оныхоос 37.2 хувиар нэмэгдэхээр байна.
