Зарим улсад суух Ерөнхий консул болон Элчин сайд нарын бүрэн эрхийн хугацаа дуусч байгаатай холбоотойгоор зарим томилгоо хийгдэж байгаа аж. Одоогоор БНХАУ-ын ЗЗОБ Хонконгд суух Ерөнхий консулаар Д.Одбаяр, БНСУ-ын Пусан хотод суух Ерөнхий консулаар Ө.Жадамбаа, БНХАУ-ын Эрээн хотод суур Ерөнхий консулаар З.Лхагвадоржийг томилох тухай саналаа Гадаад харилцааны сайд Б.Батцэцэг суух орнуудад нь хүргүүлсэн бөгөөд шийдвэр эцэслэн гараагүй байна гэж мэдээллээ.

Гадаад харилцаа сайд Б.Батцэцэг: БНСУ-ын Пусан хот, БНХАУ-ын ЗЗОБ Хонконг, БНХАУ-ын Эрээн хотод суух Ерөнхий консулын орон тоо суларч, Хамтарсан Засгийн газарт багтсан гурван намаас нэг нэг хүн нэр дэвшүүлсэн. Мөн нэр дэвшсэн хүмүүс ч сонирхлоо илэрхийлсний үндсэн дээр намууд улс төрийн шийдвэр гаргасан байх. Үүнийг нь Засгийн газрын хүрээнд шийдсэн. Хонконгд суух Ерөнхий консулаар Д.Одбаярыг, Пусан хотод суух Ерөнхий консулаар Ө.Жадамбааг, Эрээн хотод суух Ерөнхий консулаар З.Лхагвадоржийг томилох саналаа айлын талдаа хүргүүлсэн. Эцсийн шийдвэр ирээгүй байна. Бусад Элчин сайдуудын асуудал яригдаагүй байна гэлээ.

Хамтарсан Засгийн газар байгуулсан МАН, АН, ХҮН намаас дээрх гурван хүнийг Ерөнхий консулд санал болгожээ. МАН-аас Үндсэн хуулийн Цэцийн дарга асан Д.Одбаярыг, АН-аас Ө.Жадамбааг, ХҮН намаас З.Лхагвадоржийг тус тус нэр дэвшүүлсэн байна.