НИТХ-ын ээлжит хуралдаанаар Нийслэлийн Засаг даргын Тамгын газраас өргөн мэдүүлсэн Нийслэл Улаанбаатар хотын 2025 оны төсвийн төслийг хэлэлцэж эхэллээ. Нийслэл хотын 2025 оны төсвийн төсөлд Үндэсний аудитын газраас орлогыг 3.9 тэрбум төгрөгөөр, зардлыг 16.2 тэрбум төгрөгөөр бууруулах дүгнэлт зөвлөмжийг өгчээ. Ингэхдээ нийслэлийн төсвийн зарлагаас дараах арга хэмжээг хасах байдлаар бууруулах боломжтой гэж зөвлөв.

• Нийслэлийн Засаг даргын Тамгын газрын бусдаар гүйцэтгүүлэх ажил үйлчилгээний төлбөр хураамжийн зардалд төсөвлөлтийн шаардлага хангаагүй, тооцоо судалгаагүй, нотлох баримтаар дэмжигдээгүй нийт 2.2 тэрбум төгрөгийн арга хэмжээг төлөвлөсөн байна. Тухайлбал, нийслэлийн хэмжээний мөнгөн хөрөнгийн оновчтой удирдлагыг хэрэгжүүлэх, судалгаа хийх, зөвлөх үйлчилгээ үзүүлэх арга хэмжээнд 200 сая төгрөг, Нийслэлийн үнэт цаасны болон Өрийн удирдлагын журам боловсруулах, судалгаа хийх, зөвлөх үйлчилгээ авахад 200 сая төгрөг гэх мэт
• Ах дүүгийн найрамдал харилцаатай хотуудтай хамтран худалдаа, эдийн засгийн олон улсын форум зохин байгуулахад  1.7 тэрбум төгрөг
• Нийслэлийн 2025 оны хөгжлийн төлөвлөгөөг хэрэгжүүлэх хүрээнд хэрэгцээ шаардлага нь тодорхойгүй, үйл ажиллагааны чиг үүрэг давхардсан арга хэмжээнд 3.5 тэрбум төгрөг төлөвлөсөн байна. Тухайлбал, "соёлын эрхийн бичгийн туршилт" үйл ажиллагааг эхлүүлэхэд 100 сая төгрөг. Төр хувийн хэвшлээс үзүүлэх зарим үйлчилгээнд иргэний нийгмийн байгууллага, ТББ, хувийн хэвшлийн байгууллагаар гүйцэтгүүлэх ажилд 200 сая төгрөг, бусад үйл ажиллагааны зардалд 2.9 тэрбум төгрөг, АТГ тэмцэх ажиллагаанд 200 сая төгрөг гэм мэт.