Монголын үндэсний худалдаа аж үйлдвэрийн танхим /МҮХАҮТ/ ээлжит бус XXII Их хурлаа хийж, дараагийн ерөнхийлөгчөө сонголоо. Өмнөх ерөнхийлөгч Д.Энхтүвшин нь 2024 оны УИХ-ын ээлжит сонгуулиар МАН-ын жагсаалтаар УИХ-ын гишүүнээр сонгогдсон учраас бизнесийн салбарынхан дараагийн ерөнхийлөгчөө сонгосон юм. Гол өрсөлдөөн Таванбогд группийн ерөнхийлөгч Ц.Баатарсайхан, Монгол даатгал ХК-ийн Гүйцэтгэх захирал Л.Төр-Од нарын дунд явагдаж, 54 хувийн саналаар Л.Төр-Одыг МҮХАҮТ-ын ерөнхийлөгчөөр сонголоо.
Л.Төр-Од нь эдийн засагч, эрх зүйч мэргэжилтэй, түлхүү төрийн байгууллагуудад ажиллаж байсан нэгэн аж. Тэр дундаа улс төрийн албан тушаал хашиж, Ерөнхийлөгч, Ерөнхий сайд нарт зөвлөж байжээ.
Танхимын өмнөх ерөнхийлөгч Д.Энхтүвшин шинэ ерөнхийлөгчийг үл хүндэтгэсэн үйлдэл гаргасан нь нийгмийн сүлжээнд тараад байна. Тэрээр "Бизнесийн салбарт ажиллаж байгаагүй, Ерөнхий сайдын зөвлөхөөр ажилладаг хүн танхимын ерөнхийлөгчөөр сонгогдлоо. Хаа сайгүй кнопчид" зэргээр байр сууриа илэрхийлжээ. Л.Төр-Од нь Ерөнхий сайд Л.Оюун-Эрдэнийн орон тооны зөвлөхөөр ажиллаж байгаа аж.
Тэгвэл Л.Төр-Одын танхимын гишүүдэд тараасан өөрийнх нь танилцуулгыг хүргэе.
Нийгмийн даатгалын Үндэсний зөвлөлийн гишүүн - (2021 оны 4 дүгээр сарын 2-ны өдөр УИХ-аас томилогдсон)
Шударга өрсөлдөөн, хэрэглэгчийн төлөө газрын гишүүн - (2020 оны 6 дугаар сарын 24-ний өдөр ЗГ-аас томилогдсон)
Монголын үндэсний худалдаа, аж үйлдвэрийн танхимын Ахлах зөвлөх (одоог хүртэл)
2005-2006 он: Лондон Их Сургуулийн Дорно дахин, Африк судлалын сургууль, Олон улсын хууль зүй, Хөгжлийн эдийн засгийн Хууль зүйн магистр (LLM with Merit, SOAS/UCL)
1992-1997 он: Энэтхэг Улсын Хууль зүйн Үндэсний Их Сургууль Эдийн засгийн бакалавр, Хууль зүйн бакалавр (B.A.,LL.B. with Honours, NLSIU)
1991-1992 он: МУИС, ШУА-ны Хууль зүйн сургалт, судалгааны хүрээлэн
1981 -1991 он: Нийслэлийн 23 дугаар тусгай дунд сургууль
2007 он: Люксембургийн Их Сургууль- Банкны удирдлага, манлайлалын хөгжилт
2003-2004 он: АНУ-ын Нью Йорк дахь НҮБ-ын Хөгжлийн хөтөлбөрийн цахим академи- Байгууллагын манлайлал, удирдлага
2002 он: Норвеги Улсын Осло хот дахь НҮБ-ын Ардчилсан засаглалын төв-Төрийн удирдлагын шинэтгэл
1998 он: ИБУИНВУ-ын Оксфордын Их Сургууль-Олон улсын хүний эрхийн хууль зүй
Ажлын туршлага - Бизнесийн салбарт
2024 оны 10 дугаар сараас Цахим Байшин ХХК-Гүйцэтгэх захирал
2023 оны 7 дугаар сараас: Монгол даатгал ХК (www.mongoldaatgal.mn)-Гүйцэтгэх захирал, Үйл ажиллагаа хариуцсан захирал, Зөвлөх 2022-2023 он: М Банк, Ашид капитал ББСБ (www.m-bank.mn), ТУЗ-ийн Нарийн бичгийн дарга, Хууль зүй, комплайнсийн захирал, Зөвлөх 2019 оноос: Монголын Үндэсний Худалдаа Аж Үйлдвэрийн Танхим (www.mongolchamber.mn), Ахлах зөвлөх, Ерөнхий нарийн бичгийн даргын үүрэг гүйцэтгэгч 2012-2022 он: Аръяамед эмнэлэг ХХК (www.aryamed.mn), Үүсгэн байгуулагч, Ерөнхий захирал 2010 – 2012 он: Монголын банкны холбоо (www.mba.mn), Гүйцэтгэх захирал бөгөөд Ерөнхий нарийн бичгийн дарга, Бодлого хөтөлбөр хариуцсан зөвлөх 2009-2012 он: Монголын эдийн засгийн форум (www.meforum.mn), Ерөнхий захирал, Санхүүжилт хариуцсан зохицуулагч 2005-2011 он: ХасБанк (www.xacbank.mn), Гүйцэтгэх дэд захирал, ТУЗ-ийн Нарийн бичгийн дарга, Хууль зүй, хянан нийцүүлэх газрын захирал, Тамгын газрын захирал, Банкны зөвлөх бөгөөд Лондон дахь төлөөлөгч 1998-2005 он: СИДАН ХЗХ Үүсгэн байгуулагч, ТУЗ-ын гишүүн
Ажлын туршлага - Төрийн байгууллагад
2024 оноос: Засгийн газрын хэрэг эрхлэх газар, Монгол Улсын Ерөнхий сайдын зөвлөх
2021-2027 он: Нийгмийн даатгалын Үндэсний зөвлөл (www.nduz.gov.mn), Хувийн хэвшлийг төлөөлсөн гишүүн 2020-2024 он: Шударга өрсөлдөөн, хэрэглэгчийн төлөө газар (afccp.gov.mn), Хувийн хэвшлийг төлөөлсөн гишүүн 2016-2019 он: Нийслэлийн ЗДТГ (www.ulaanbaatar.mn), Нийслэлийн Засаг дарга бөгөөд УБ хотын захирагчийн зөвлөх 2014 – 2017 он: Авлигатай тэмцэх газар (www.iacc.mn), Олон нийтийн зөвлөл дарга 2012 – 2013: Ерөнхийлөгчийн тамгын газар (www.president.mn), Хууль зүйн яам, Монгол Улсын Ерөнхийлөгчийн хууль зүйн асуудал хариуцсан шадар туслах, Хууль зүйн сайдын зөвлөх 2011-2012: Засгийн газрын Хэрэг эрхлэх газар (www.cabinet.gov.mn), Монгол Улсын Ерөнхий сайдын зөвлөх 1997-1999: Хууль зүйн яам (www.mojha.gov.mn), Хэлтсийн даргын үүрэг гүйцэтгэгч, Ахлах мэргэжилтэн Ажлын туршлага - Олон улсын байгууллага, иргэний нийгмийн салбарт
2018-2022 он: Ази – Европын Ард түмний форум - АСЕМ (www.aepf.info, www.aseminfo.board), Олон улсын зохион байгуулах хорооны байнгын гишүүн 2017-2021 он: Олон улсын Нээлттэй засаг түншлэл (www.OpenGovPartnership.org), Удирдах зөвлөлийн гишүүн бөгөөд Ази – Номхон далайн бүс нутгийн төлөөлөгч 2015-2020 он: Азийн Ардчиллын Сүлжээ (www.adn2030.org) бүс нутгийн иргэний нийгмийн эвсэл Удирдах зөвлөлийн гишүүн бөгөөд хамтарсан тэргүүн, Зүүн хойд Төв Ази дэд бүс нутгийн төлөөлөгч 2014 – 2016: Өмнөд ба Зүүн Ази дахь Орон нутгийн засаглалын санаачилга сүлжээ (www.loginasia.org), Монгол дахь үндэсний зохицуулагч, хамтран үүсгэн байгуулагч 1999-2005: Монгол улс дахь НҮБ-ын Хөгжлийн Хөтөлбөр (www.undp.mn; www.undp.org), Засаглалын хөтөлбөрийн удирдагч, Референт, шинжээчээр тус тус ажилласан байна. 
