Улс орнууд үйлдвэрлэлээ хязгаарлахыг зөвшөөрөхгүй бол арван жилийн дараа дэлхий нийт хуванцар хог хаягдлаа зохицуулж чадахгүй гэдгийг холбогдох албаныхан анхааруулжээ.
Өнгөрсөн долоо хоногт Өмнөд Солонгосын Пусан хотноо болж буй хуванцар хог хаягдлыг зогсоох асуудлаарх хэлэлцээний үеэр Норвегийн Олон улсын хөгжлийн сайд Анн Бит Твиннерэйм “Дэлхийд одоо ямар нэгэн манлайлал, сайн мэдээ хэрэгтэй байна. Судлаачид ихэсийн дээжээс микропластик илрүүлсэн бөгөөд хуванцар нь зүрхний шигдээс, цус харвалттай холбоотой хүний артериудаас хүртэл олдсон. Түүнчлэн хүний төмсөг, үрийн шингэнд агуулагдаж байгаа нь хуванцар нь хаа сайгүй байдгийг нотлох баримт юм.
Хуванцарын хямрал нь хүний эрүүл мэнд, биологийн төрөл зүйл, уур амьсгалд заналхийлж буй "аюул” гэжээ. Хуванцар хог хаягдлыг бууруулах хэлэлцээ даваа гарагт эхэлж, ирэх сарын 1 хүртэл үргэлжлэх юм.
"Мэдээж бид дахин боловсруулалт, хог хаягдлын менежментийг нэмэгдүүлэх хэрэгтэй, гэхдээ үйлдвэрлэл, хэрэглээгээ бууруулахгүй бол 10 жилийн дараа хуванцарын хаягдлыг даван туулах боломжгүй болно" гэдгийг Твиннерейм онцолжээ.
Хуванцарын хэрэглээ 2060 он гэхэд дэлхийн хэмжээнд гурав дахин нэмэгдэж, Сахарын цөлөөс өмнөх Африк, Азид хамгийн их хэмжээгээр өсөх төлөвтэй байна. Мөн хуванцар хог хаягдал 2060 он гэхэд гурав дахин нэмэгдэж, тал нь хогийн цэгт хаягдаж, таваас бага хувь нь дахин боловсруулагдах төлөвтэй байгаа аж. Олон оронд нэг удаагийн хуванцарыг нэг талын хориглосон байдаг.
