УИХ-ын Хууль зүйн байнгын хорооны өнөөдрийн хуралдаанаар Монгол Улсын 2025 оны төсвийн тухай хууль, хамт өргөн мэдүүлсэн болон холбогдуулан боловсруулж баталсан хууль тогтоомжид бүхэлд нь тавьсан Монгол Улсын Ерөнхийлөгчийн хоригийг хэлэлцэж эхэллээ. Хэлэлцэж байгаа асуудалтай холбогдуулан гишүүд асуулт асууж, хариулт авсны дараа гишүүд саналаа хэлсэн.

УИХ-ын гишүүн П.Сайнзориг: Ерөнхийлөгчийн хоригийг хүлээж авбал, тодотгол хийх чиглэл өгсөн тогтоолыг оруулж ирсэн хүмүүст хариуцлага тооцох ёстой гэсэн байр суурь илэрхийллээ. Тэрээр "Ерөнхийлөгчийн хоригийг хүлээж авах улс төрийн шийдвэр гарсан. Хэлэлцүүлэгт буцааж байна гэж би харахгүй байна. Хууль давсан төсвийг тодотгох чиглэл өгсөн. Хэрвээ ингээд явбал цаашдаа тусгай горимоор хэлэлцдэг олон хуулиуд дээр ийм чиглэл өгч болно. Ингэвэл бид хуульт ёс яриад хэрэггүй. Энэ тогтоол Үндсэн хууль зөрчсөн байна гэдгийг Ерөнхийлөгч хоригоороо хэлчихлээ. Энэ тогтоолыг оруулж ирж хэлэлцүүлсэн хүмүүс хариуцлага хүлээх ёстой.

Энэ хоригийн дараа төсвийн ажлын хэсгийн бүрэлдэхүүнийг сайн бодох хэрэгтэй. Нөгөө 25 бол орж ажиллаж болохгүй" гэлээ.

УИХ-ын гишүүн Б.Энхбаяр: Хоригийг хүлээж аваад төсвийг хэлэлцэх дэгд өөрчлөлт оруулах шаардлага байгааг үгүйсгэхгүй. Дэгээ баталж байгаад төсвөө хэлэлцэхгүй бол

Хэрвээ Ерөнхийлөгчийн хоригт тавьсан шаардлага хангагдахүй бол төсөвт дахин хориг тавихыг үгүйсгэхгүй гэж ЕТГ-ын дарга хэллээ. Тиймээс УИХ, Засгийн газар хэлээд байхад Үндсэн хуулиа зөрчитлөө дүлийрэхгүй байх сануулга өгөх хэрэгтэй. Хэн буруутай болж дуусав аа. Төсвөө баталчихаад тодотгол хийх ёстой гэсэн тогтоол баталж байгаа нь Үндсэн хууль зөрчөөд байна гэдгийг гишүүд хэлж байсан. Хууль зүйн хувьд алдаагүй гарах боломж байсан. Төсвийн гурав дахь хэлэлцүүлгийг төсвийн байнгын хороо хийчихсэн, чуулган хийгээгүй байсан. 3,4 дүгээр хэлэлцүүлгийг байнгын хороо дахиж хийхээр буцаах хувилбар байсан. Нүд нь таглараад, чих нь дүлийрчихсэн. Төрийн тэргүүн хэлж байж онгойдог. Парламент дээр гишүүд нь хэлээд шаардаад байхад таг дүлий. Данхайгаад байгаа бол сануулга өгөх хариуцлага тооцох газар нь парламент шүү.