Америкийн “KSL Sports”  сайт өчигдрийн нийтлэлдээ Ш.Энхийн-Одыг онцолжээ.

Тус сайтад дурдсанаар “Шаравжамцын Энхийн-Од өөртөө илүү итгэлтэй болж эхэллээ. Тэр үзэхэд урамтай тоглогч.

Гурван тоглолтын дараах байдлыг харахад тэр багийг удирдах арга барилд тухлаад эхэлжээ. Ютагийн дасгалжуулагчид түүний энэ арга барилыг дэмжиж цаашид үргэлжлээсэй хэмээн найдаж байгаа нь мэдээж. Энхийн-Одыг чадварлаг гэдэгт хэн ч эргэлзэхгүй. Харин өөртөө итгэлтэй тоглох тал дээр тэр карьерынхаа турш алдаж, оносон. Тоглолтын эхний 20 минутын дараах байдлаар тэр Ютаг 11 оноотой тэргүүлж зургаан довтолгооноос 5-ыг нь амжилттай болгож, мөн 5 самбар авч, 3 дамжуулалт өгөөд байсан юм. Хоёрдугаар хагасыг тэр гурваас гоол оруулан эхлүүлж, дараа нь Миро Литтлд no-look дамжуулалт өгч тэр нь оноо болов. Эсрэг багийн дамжуулалтыг бас тасалж өөрөө довтлоод хоёр оноо авав. Энэ бүхэн эхний таван минутад л болж өнгөрсөн зүйл.

Энхийн-Од бол Ютагийн хувьд багтаа авахыг зорьсон тэргүүн сонголт байсан. Улмаар бусад сайн сургуулиас урьтаж түүнийг авчирч чадсан. Улирлын эхлэл итгэл, найдвар төрүүлж байна. Бүр ч илүү өөртөө итгэлтэй тоглох нь түүний хувьд байж болох хамгийн эерэг үр дүн болно. Тоглолтыг тэр 19 оноо, 7 самбар, 5 дамжуулалт, 1 хаалт, 1 таслалттай дуусгалаа. Нийт 11 удаа довтолж, наймыг нь амжилттай болгов. Мөн холын зайнаас дөрөв шидэж, гурвыг нь унагасан юм” гэжээ.