УИХ дахь АН-ын бүлгийн ээлжит хуралдаанаар төрийн өмчит компаниудын менежмент, хүний нөөц, санхүүгийн байдал болон сэтгүүлч Н.Өнөрцэцэгт холбогдох хэргийн талаарх мэдээллийг сонссон байна.Төрийн өмчийн компаниудад улсын төсвөөс бараг гурав дахин их мөнгө эргэлдэж байна. Харин ихэнх нь үр ашиг багатай, авлига хээл хахууль их байгаа учраас АН-ын бүлгээс цаашид уг асуудлаар ажлын хэсэг гаргаж ажиллахаар болжээ.Сэтгүүлч Н.Өнөрцэцэгт холбогдох хэргийн давж заалдах шатны шүүх хурал болно. Уг асуудлаар хаалттай мэдээллийг АН-ын бүлэг сонссон байна. Н.Өнөрцэцэгийг 20 гаруй асуудлаар хуулийн байгууллагаас шалгасан юм байна. Үүнээс нэгээс бусад асуудал нь нээлттэй хэлэлцэх боломжтой асуудал байгаа аж. Иймд, АН-ын бүлгээс сэтгүүлч Н.Өнөрцэцэгийн давах шатны шүүх дээрх улсын нууцтай холбоотой асуудлыг хаалттай шүүж, бусад ял авсан 20 гаруй асуудлыг нээлттэй хэлэлцэх ёстой гэдэг байр суурийг АН-ын бүлгээс илэрхийлж, тодорхой саналууд гаргасан байна.Мэдээллийн дараа УИХ-ын зарим гишүүн 2025 оны төсвийн зардлыг багасгах чиглэлээр санаачилга гаргаж байгааг АН-ын бүлэг, гишүүд дэмжих үү гэдгийг сэтгүүлч тодруулж асуулаа.
