Чөлөөт бөхийн U23 насны дэлхийн аварга шалгаруулах тэмцээн Албанийн нийслэл Тирана хотод болж байна. Тэмцээний эмэгтэйчүүдийн 53 кг-ын жинд Монгол Улсын тамирчин Чинболдын Отгонтуяа хүрэл медаль хүртлээ. Тодруулбал, эхний шатанд Энэтхэгийн тамирчныг 12:2, шөвгийн наймд АНУ-ын тамирчныг 10:8 харьцаагаар ялсан байна. Түүнчлэн, Казахстаны бөхийг ялж хүрэл медалийн болзол хангасан. Ч.Отгонтуяа нь Азийн АШТ-ээс алт, мөнгө, хүрэл медальтай ба насанд хүрэгчдийн УАШТ-ий алт, Монголын бүх ард түмний спортын наадмын алтан медальт тамирчин юм.