Нийслэлийн Засаг дарга Х.Нямбаатар орлогч нараа томилжээ. Тодруулбал, Засаг даргын нэгдүгээр орлогчоор НИТХ-ын төлөөлөгч Т.Даваадалайг, хоёрдугаар орлогчоор А.Амартүвшин нарыг томилжээ.
Т.Даваадалай нь аймаг, нийслэл, сум, дүүргийн сонгуульд БЗД-т МАН-аас нэр дэвшсэн сонгогдсон бөгөөд инженер мэргэжилтэй, орос, англи хэлтэй бөгөөд 2006 онд ЕБ-ын 73 дугаар дунд сургуулийг, 2006-2011 онд ОХУ-ын Санкт-Петербург хотын Санкт-Петербургийн Зам Харилцааны Их сургуулийг зүтгүүрийн аж ахуйн инженер мэргэжлээр төгссөн. 2015-2017 онд Австрали улсын Күийсландын Их сургуульд менежментэд суурилсан инженер-бизнесийн удирдлага хосолсон мэргэжлээр магистрын зэрэг хамгаалжээ.
Түүний ажлын туршлагаас дурдвал,
2011-2015 онд Улаанбаатар төмөр замын ХНН-ийн туслах машинч, засварын хүлээн авагч, машинч, засварын инженер
2016 онд “UniCar” старт-ап үүсгэн байгуулагч
2017 онд “Батс-Өргөө” ХХК-ийн ОТ сайт менежер
2018 онд “Аплайс Монгол” ХХК-ийн бизнес хөгжлийн менежер
2020 онд “Дава Бизнес Консалтинг” ХХК-ийн захирал
2020 онд “NCСS ХХК”-ийн ОТ төслийн менежер
2019-2021 онд “Вагнер Ази” ХХК-ийн техникийн зөвлөх багийн менежер
2021 оноос өнөөдрийн хүртэл “Бодь Интернэшнл” ХХК-ийн “Тавантолгойн нүүрс ачих логистикийн төв” төсөл хариуцсан захирал
2022 оноос өнөөдрийг хүртэл “Бодь” группийн R&D төвийн даргаар ажиллаж байсан туршлагатай аж.
Тэрбээр өнөөдрөөс НЗД-ын Эдийн засгийн хөгжил, дэд бүтцийн асуудал хариуцсан нэгдүгээр орлогчоор ажиллаж эхэллээ.
А.Амартүвшин нь Хан-Уул дүүргийн ИТХ-д ажиллаж байсан бөгөөд энэ удаад НИТХ-ын төлөөлөгчөөр анх удаа сонгогдсон юм. Тэрбээр дипломат, олон улсын харилцаа, эрх зүйч мэргэжилтэй. 2007 онд Австралийн Монаш их сургуулийг улс төр, гадаад судлалаар бакалавр, 2011 онд Австралийн Декиний их сургуулийг гадаад харилцааны мэргэжлээр магистр зэрэгтэй хамгаалж, төгссөн байна.
Түүний ажлын туршлагаас дурдвал:
2008 онд УИХ-ын Тамгын газрын захиргааны хэлтэст зохион байгуулагч
2008-2013 онд УИХ-ын Тамгын газрын гадаад харилцааны хэлтэст зохион байгуулагч, шинжээч, референт
2013-2016 онд БНБУ-д суугаа ЭСЯ-ны дипломат ажилтан, консул
2016 оноос өнөөдрийг хүртэл Хан-Уул дүүргийн ЗДТГ-т Засаг даргын Нийгмийн бодлого хариуцсан орлогчоор ажиллаж байсан юм.
2020-2024 онд Хан-Уул дүүргийн Иргэдийн Хурлын Төлөөлөгч
Тэрээр өнөөдрөөс Нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогчоор ажиллаж эхэллээ.
