Аймаг, нийслэл, дүүргийн иргэдийн төлөөлөгчдийн хурлын сонгуулийн санал хураалт орон даяар 20.00 цагт хаагдлаа. Улсын хэмжээнд нийт 2,107,293 хүн санал өгөхөөс 1,120,021 хүн саналаа өгч, орон нутгийн сонгуулийн ирц 53.1 хувьтай өндөрлөлөө.

Нийслэл Улаанбаатар хотын хувьд хамгийн муу ирцтэй буюу 42.3 хувьтай санал хураалтад оролцлоо. Аймгуудаас Баян-Өлгий 76.3, Сүхбаатар 72.6, Завхан 72.8 хувьтай байгаа нь хамгийн өндөр ирцтэй байна.

Улсын хэмжээнд орон нутгийн сонгуулийн ирцийг нас, хүйсээр ангилав.

Санал хураалт дууссаны дараа СЕХ-ны дарга П.Дэлгэрнаран "Нийслэлийн дүнг удахгүй танилцуулж эхэлнэ. Аймгууд бол Сонгуулийн хороод дээрээ дэлгэц байрлуулаад дүнгүүдээ дамжуулна" гэлээ.

Үр дүнгийн мэдээллийг тун удахгүй үргэлжлүүлэн мэдээлэх болно.