Засгийн газрын хуралдаанаас гаргасан зарим шийдвэрийн талаар мэдээлэл хийж байна. Хэвлэлийн хуралд Нийслэлийн Засаг дарга Х.Нямбаатар, ЗГХЭГ-ын дарга Н.Учрал нар оролцож байна.Зориг агсны хэргийг шүүхдээ явцад Б.Содномдаржаа, Т.Чимгээ нарыг эрүүдэн шүүсэнтэй холбоотой Олон улсын хүний эрхийг байгууллагатай хамтарч санал дүгнэлт гаргах ажлын хэсгийг ХЗДХ-ийн дэд сайд Б.Солонгоо ахалж байна. Б.Солонгоо сайд өөр ажилд шилжсэнтэй холбоотойгоор ХЗДХ-ийн сайд О.Алтангэрэл уг ажлын хэсгийг ахлах шийдвэрийг Засгийн газрын өнөөдрийн хуралдаанаар гаргажээ.Мөн өнөөдрийн хуралдаанаар 14 мега төслийн эхлэл болгож Үндэсний хиймэл дагуулын төслийг эхлүүлж байгаа аж.ЗГХЭГ-ын дарга Н.Учрал: Өнөөдөр хиймэл дагуулын төслийг ҮАБЗ-д танилцуулахаар шийдвэрлэсэн. Энэ төсөл 2011 оноос хойш нэлээд судлагдсан. Өргөн уудам газар нутагтай 3.4 сая хүн амтай улсад харилцаа холбооны хүртээмж маш чухал. Улс орныхоо хаа ч шилэн кабелтай холбогдох, харилцаа холбооны дэд бүтэцтэй болохын тулд Үндэсний хиймэл дагуулыг 36 мянган км-т хөөргөж чадсанаар бүрдэнэ. Мөн дөрвөн ширхэг газрын антеныг монголд суулгана. Орбитын Наран сатанцад төв удирдлага нь байна. Мөн Дархан-Уул, Дорнод, Баян-Өлгий аймгуудад байрлуулна. Ингэснээр хиймэл дагуулаа өөрсдөө удирдах боломж бүрдэнэ.
