УИХ-ын ээлжит сонгуулиар бүрдсэн 126 гишүүнтэй парламентын анхны намрын чуулган өнөөдөр 10.00 цагт нээлтээ хийнэ. Энэ удаагийн намрын чуулганаар  2025 оны улсын төсөв, засгийн газрын үйл ажиллагааны төлөвлөгөө зэрэг олон чухал хуулиудыг хэлэлцэн батлах юм.

Сонгуулийн холимог тогтолцооны үр дүнд МАН 68, АН 42, ХҮН нам найман, Үндэсний эвсэл дөрөв, Иргэний зориг ногоон нам дөрвөн суудал авч улс төрийн таван нам шинэ парламентыг бүрдүүлсэн билээ. Чуулганы нээлтийн дараа УИХ дахь намын бүлгүүд хуралдана. Мөн энэ долоо хоногт дараах асуудлуудыг хэлэлцэхээр төлөвлөжээ.

1. Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төсөл;
2. Монгол Улсын 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай, Үндэсний баялгийн сангийн 2025 оны төсвийн тухай болон холбогдох бусад хууль, тогтоолын төсөл;