“Астана-2024” Дэлхийн нүүдэлчдийн V наадам Казахстан улсын нийслэл Астана хотод есдүгээр сарын 8-13-ны өдрүүдэд болж, 89 орны 2700 орчим тамирчин спортын 21 төрөлд 97 багц медалийн төлөө өрсөлдлөө. Харин манай улсаас спортын 16 төрөлд 66 тамирчин өрсөлдөж, таван мөнгө, есөн хүрэл медальтайгаар 89 орноос 19 дүгээр байрт жагслаа. Дараагийн наадам 2026 онд Киргизстан улсад болохоор тогтов. Тус улс энэ наадмыг гурав дахь удаагаа зохион байгуулах эрхээ авч буй бөгөөд өмнө нь 2014, 2018 онд зохион байгуулжээ.