“Newsweek”-т “Сибирийн хүч-2” хийн хоолойн талаар “China Ally Hints Putin-Xi Pipeline Plan Is Going Nowhere” гарчигтай нийтлэл нийтлэгджээ. Зүүн Азийн далайд гарцгүй Монгол Улсын Засгийн газар 2024-2028 он хүртэлх үйл ажиллагааны мөрийн хөтөлбөртөө ОХУ-аас БНХАУ руу байгалийн хийн хоолой тавих тухай төслийг багтаасангүй. ОХУ-ын Алтайн бүс дэх байгалийн хийн ордуудыг зүүн хойд Хятадын бүс нутагтай холбох Москвагийн санал болгож буй “Сибирийн хүч-2” хоолойн төслийн гуравны нэг орчим нь Хятад, Орос хоёртой хиллэдэг Монголын газар нутгаар дайран өнгөрнө.
Украинд үргэлжилж буй дайны улмаас Оросын байгалийн хийн борлуулалт буурч, Ерөнхийлөгч Владимир Путин Хятадын зах зээлд эзлэх байр сууриа тэлэхийг эрмэлзэж буй. Нэгдүгээр сард гаргасан тоо баримтаас харахад, Оросоос Хятадад нийлүүлсэн байгалийн хийн борлуулалт гурав дахь жилдээ өссөн байгаа ч худалдааны алдагдлаа нөхөж чадахгүй байгаа билээ.
Оросын хойд нутгаас Монголоор дамжин Хятад руу жил бүр 50 тэрбум шоо метр хийг нийлүүлэх “Сибирийн хүч 2” хоолой барих талаар Орос олон жилийн турш хэлэлцсээр ирсэн. Гэвч Монгол Улсын Засгийн газрын 2024-2028 он хүртэлх үйл ажиллагааны мөрийн хөтөлбөртэй амбийцтай төслийг орхигдуулсан тухай “South China Morning Post” даваа гарагт мэдээлжээ.
