Орон нутагт голын усанд ороод сураггүй алга болсон хоёр иргэнийг эрэн хайж байгаа талаар ОБЕГ-аас мэдээллээ.

Алга болсон иргэдийн тухайд нэг нь Дорнод аймаг, Хэрлэн сум 1 дүгээр багийн “Станцын саамын амралт” гэдэг газар /аймгийн төвөөс зүүн урд зүгт 10 км/ “Хэрлэн” голын усанд согтуугаар сэрүүцэх гэж ороод живсэн байна. Харин нөгөө нь Хэнтий аймаг, Баян-Овоо сум Жавхлант багийн Баянхошуу гэдэг газар /аймгийн төвөөс зүүн хойд зүгт 160 км, сумын төв/ “Хэрлэн” голын усанд живжээ.

ОБЕГ-т өгсөн дуудлага мэдээллийн дагуу М /38 настай, эрэгтэй, /, А /40 настай, эрэгтэй/-ийг өчигдөр 07:00 болон 05:00 цагаас эхлэн  эрэн хайх ажиллагааг зохион байгуулж байна. Иймд иргэд олон нийтийг аялж, амарч зугаалахдаа анхаарал болгоомжтой байхыг зөвлөж байна.