Монгол орны ихэнх нутгаар бороо хур элбэг, томоохон гол мөрнүүдийн усны түвшин аюултай хэмжээнд хүрээд байна. Мөн үерийн эрсдэл их байгаагаас бохироор дамжих халдварт өвчин нэмэгдэх хандлагатай байна. Усны газраас гол мөрөн, үер усны аюулаас болгоомжлохыг байнга сануулсаар буй.

Мөн Усны газраас Улаанбаатар хотод их хэмжээний бороо орсны дараа байнга гол мөрөн, тогтоол уснаас шинжилгээ авч шинжилж байгаа юм байна. Ингээд тав, зургаа, долдугаар сард Улаанбаатар хотод орсон их хэмжээний борооны дараа хотын дундуур урсдаг Туул, Дунд голын уснаас дээж авч шинжлэхэд гэдэсний халдварт өвчин үүсгэдэг эмгэг төрөгч бичил биетнүүд зөвшөөрөгдөх хэмжээнээс их илэрсэн байна.

Тухайлбал, Усны газрын харьяа Усны хяналтын лабораториос Улаанбаатар хотын суурьшлын бүс дэх Туул гол, Дунд голын гүүрнүүдийн доорх урсцаас сорьц авч шинжилгээ хийхэд:

• Бохирдлыг тодорхойлогч азотот нэгдэл аммоний агууламж стандарт шаардлагын зөвшөөрөгдөх дээд хэмжээнээс 1.4 дахин
• Химийн хэрэгцээт хүчилтөрөгч 3.34-29.33 дахин