Улсын баяр наадамд дөрөв давсан 32 бөх, эрэгтэй найм, эмэгтэй найман сур харваач нийт 48 хүнээс допингийн шинжилгээ авсан. Тус сорьцнуудыг Герман улсын Дрезден хотын лабораторид шинжлүүлж, хариу ирэхэд дөрвөн сорьцоос допинг илэрсэн. Гэхдээ энэ талаар Гэхдээ бөхийн салбар хороо, Монголын үндэсний допингийн эсрэг байгууллага, үндэсний бөхийн холбооноос албан ёсны мэдээлэл хийгээгүй.

Улсын харцага Г.Ганхуяг, аймгийн арслан Г.Хишигбат, цэргийн арслан Г.Жамбалдорж нар хариутайгаа танилцсан гэнэ.

Харин цэргийн арслан Г.Жамбалдорж өөрийн цахим хуудсаараа дамжуулан допингийн шинжилгээнд бүдэрсэн гэдгээ мэдэгдэж, ард түмнээсээ уучлалт гуйв. Тэрээр "Та бүхэндээ энэ өдрийн мэндийг хүргэе. Энэ мэдэгдлийг хийхийнхээ өмнө миний бие Монголынхоо ард түмэн, үндэсний бөхөд хайртай хүмүүс, нийт бөхчүүдээсээ чин сэтгэлээсээ уучлалт хүсэж байна.

Ардын хувьсгалын 103 жилийн ойн үндэсний бөхийн барилдаанд дөрөв давж, баяр наадмын хуулийн дагуу допингийн шинжилгээнд хамрагдсан. Хариугаа өчигдөр Үндэсний их баяр наадмын зохион байгуулах хорооны Үндэсний бөхийн салбар хорооноос байгуулагдсан Үр дүнгийн удирдлагын багаас авч, өөрийн биеэр танилцлаа.

Би “В” сорьцын шинжилгээгээ өгөхгүй гэдгээ мэдэгдсэн учраас өөрөө хариугаа зарлаж байна.