Өнгөрөгч 6-р сарын 24 - 27-ны өдрийн хооронд зохион байгуулагдсан Зуны Давос форумд ХХБ-ыг төлөөлж ТУЗ-ийн дарга Рандолф Коппа болон ГЗО Н.Сэргэлэн нар оролцоод ирсэн байна. Энэ удаагийн Зуны Давос-д 80 гаруй орны 1600 лийдэрүүд оролцсон бөгөөд 6 гол сэдвийн талаар хэлэлцлээ. Шинэ Дэлхийн эдийн засаг, БНХАУ ба бусад улс орнууд, Хиймэл Оюун ухааны эрин үеийн бизнесүүд, Аж үйлдвэрийн шинэ технологиуд, Хүндээ хөрөнгө оруулалт хийх, болон Уур амьсгал, Байгаль, ба эрчим хүчийг холбох зэрэг сэдвүүдийн хүрээнд хэлэлцжээ.
ХХБ-ны Гүйцэтгэх захирлын орлогч Н.Сэргэлэн нь Дижиталчлал ба далайд гарцгүй орон сэдвийн хүрээнд панел хэлэлцүүлэгт оролцсон ба МУ-н хэмжээнд дижиталчлал хэрхэн явагдаж байгаа, дижитал шилжилт хэрхэн далайд гарцгүй орны худалдаа болон эдийн засгийг дэмжиж байгаа талаар болон бүс нутгийн хэмжээнд хэрхэн уялдаа холбоотой ажиллах нь чухал талаар санал бодлоо хуваалцсан юм.
ХХБ дэлхийд хүлээн зөвшөөрөгдсөн, Монгол Улсын шилдэг олон улсын банк болохынхоо хувьд 2010 оноос хойш Дэлхийн Эдийн Засгийн Форумтай хамтран ажилласан юм.
Түүнчлэн 2015 оны Дэлхийн эдийн засгийн форумаас ХХБ Монгол Улсаас анх удаа "Global Growth Company"-р шалгарсан түүхтэй. Энэхүү шагналыг банк, санхүү, эрчим хүч, агаарын тээвэр зэрэг олон салбараас хамгийн хурдацтайгаар өндөр өсөлт үзүүлж буй, ирээдүйд олон улсын тавцанд өрсөлдөх боломжтой байгууллагыг сонгон шалгаруулдаг. ХХБ энэхүү нэр хүндтэй шагналыг хүртсэн нь хурдацтай хөгжиж буй, Монгол Улсын хөгжилд үнэтэй хувь нэмрээ оруулдаг байгууллага болохоо баталсан юм.
Түүнчлэн өнгөрсөн жилийн форумын үеэр Монгол Улсаас анх удаа ХХБ Дэлхийн эдийн засгийн форумтай албан ёсны түншлэлийн гэрээ байгуулсан билээ. Гэрээг ХХБ-ны Гүйцэтгэх захирал О.Орхон болон Дэлхийн эдийн засгийн форумын үүсгэн байгуулагч, доктор Клаус Шваб нар үзэглэсэн юм.
ХХБ Дэлхийн эдийн засгийн форумын түнш болсноор дэлхийн хэмжээний хөрөнгө оруулагч, бизнес эрхлэгч нарт Монгол Улсыг таниулахад бодит алхам болж байгаа билээ.
ТОГТВОРТОЙ ХӨГЖИЛД ХАМТДАА
