"Парис 2024” олимпын наадам долоодугаар сарын 26-наас наймдугаар сарын 11-нийг хүртэл Франц улсын Парис хотноо зохион байгуулагдана. Энэ удаагийн олимпод ОУОХ-ны гишүүн 81 орны 320 тамирчин 432 эрх авсан.
Манай улсын хувьд буудлагын эрэгтэйчүүдийн ангилалд Н.Баяраа, Э.Даваахүү, эмэгтэйчүүдийн ангилалд О.Есүгэн нар эх орноо төлөөлөн Парисыг зорих юм. Гэвч олон нийтийн сүлжээнд МҮОХ-ны буруугаас болж “Парис-2024 олимпын наадмын буудлагын төрөлд О.Есүгэн, Н.Баяраа нар оролцох боломжгүй боллоо” гэх мэдээлэл цацагдсан. Үүнтэй холбоотойгоор МҮОХ-оос мэдээлэл хийлээ.
МҮОХ-ны ерөнхийлөгч Ч.Наранбаатар: “Парис 2024” зуны олимп эхлэхэд10 хоног үлдээ байна. Үүнтэй холбогдуулж Монгол Улсын тамирчид эрхээ авч баталгаажуулаад, олимпод оролцохоор бэлтгэлээ хангаад явж байгаа. Өнөө өглөө МҮОХ-ны гүйцэтгэх зөвлөлийн шуурхай хурал боллоо. Энэ хурлаар Монголын буудлагын спортын холбоотой холбогдоод буй асуудлаар МБСХ-ны гурван тамирчин эрхээ авсан. Үүний дараагаар хугацаа дууссаны дараагаар спортын холбоодоос нэмэлт төрөл орох талаараа хугацаа алдаж хэлсэн. Бид энэ асуудлаар хэд хэдэн удаа олон улсын байгууллагад бичиг явуулсан. Гүйцэтгэх зөвлөлийн өнөөдрийн хуралдаанаар ч “Олон Улсын олимпын хороо, Парис 2024” зохион байгуулах хороо болон Олон Улсын буудлагын спортын холбоонд албан ёсны бичиг хүргүүлж явуулах шийдвэр гаргалаа. Тамирчдын мэдүүлгийг явуулах хугацаа хаагдсан учир ямар ч боломжгүйг бид хэлж байсан. Гэсэн хэдий ч бид тамирчдынхаа эрх ашгийн үүднээс, тэмцээндээ оролцох боломж бүрдэж магадгүй гэх үүднээс Олон Улсын олимп зохион байгуулах хороо руу энэ талаар бичиг явуулъя гэж шийдлээ. Гэхдээ баталгаатай, олимпод оролцох эрх нээгдэнэ гэхгүй. Бид 60,70-аад спортын хороодтой хамтран ажилладаг. Холбоодын гол зорилго бол нарийн мэргэжлийн хүмүүс ажилладаг.
МҮОХ-ны Ерөнхий нарийн бичгийн дарга Э.Бадар-Ууган: Олон улсаас зургаадугаар сарын 09-нд МБСХ, МҮОХ-нд зургаадугаар сарын 21-ны дотор тамирчдынхаа нэр болон зайг баталгаажуулж, яаралтай явуулах талаар бичиг ирсэн. Үүний хүрээнд МБСХ-ны ерөнхий нарийн бичгийн дарга О.Энхсайхан гурван тамирчныг гурван зайд баталгаажуулж өгнө үү гэх бичиг ирүүлсэн. Бид тухайн мэдүүлгийг үндэслээд Олон улс руу явуулж, тамирчдын гурван зайд баталгаажих эрх нь нээгдсэн. Хугацаа нь зургаадугаар сарын 21-нээс эхлээд долоодугаар сарын 08-нд дууссан. Энэ хугацаанд 10 метрийн зайд буудах эрх нэмж өгнө үүгэх хүсэлт огт ирээгүй гэв.
