Тулгар төрийн 2233, Их Монгол Улсын 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ойн Үндэсний их баяр наадмын Үндэсний сурын харваан шагналыг Монгол Улсын Ерөнхийлөгч Ухнаагийн Хүрэлсүх гардууллаа.

Үндэсний сурын харваа оноо ойрхон болж өндөрлөсөн. Нийт 40 сум харваснаас 38 оносон амжилтаар Өвөрхангай аймгийн Нарийнтээл сумын уугуул Өвөрхангай аймгийн Их Монголын харуул харваачдын нэгдсэн холбооны клубийн тамирчин Монгол Улсын даян мэргэн Бадам-Очирын Пунсалдулам үндэсний сурын харваанд түрүүллээ. Ингэснээр тэрээр гурван жил дараалан үндэсний их баяр наадамд түрүүлж, Монгол Улсын даяар дуурсах мэргэн цолын эзэн болж байна.

Харин хоёрдугаар байрт 40 сумаас 36 оносон амжилтаар Дорнод аймгийн Хөлөнбуйр сумын уугуул Ч.Гандаваа шалгарчээ.

Гуравт, Булган аймгийн Бүрэгхангай сумын харьяат Б.Баярцэцэг

Дөрөвт, Булган аймгийн Булган сумын уугуул Б.Наадам

Тавд, Төв аймгийн Баян-Өнжүүл сумын уугуул Г.Батзаяа