Баяр наадмын өдрүүдэд иргэд хөдөө орон нутгийг зорьж, анхаарал болгоомжгүйгээс болж гол усны аюулд өртөх нь элбэг байдаг. Тэгвэл өнгөрөгч өдөр гурван хүн гол усны аюулаас болж амиа алджээ. Үүнээс нэг нь насанд хүрсэн буюу 24 настай, үлдсэн хоёр нь бага насны хүүхэд байжээ.

Нэг, Улаанбаатар хот, Баянзүрх дүүрэг 20 дугаар хорооны Гачууртын эцэс “Туул” голын эрэг дээр гэр бүл, найз нөхдийн хамт амарч байсан 1 хүн голын ус руу сэлэхээр ороод живсэн гэсэн дуудлагыг өчигдөр 19:02 цагт хүлээн авсан. Нийслэлийн Аврах ангийн алба хаагчид очиж иргэн И /24 настай, эрэгтэй/-г г анх осолдсон газраас  км зайд голын салаанд нас барсан байдалтай бургасанд тээглэсэн байсныг олж, цогцсыг  уснаас гарган Баянзүрх дүүргийн Цагдаагийн 3 дугаар хэлтсийн Эргүүлийн цагдаад шилжүүлэн өгсөн. 

Хоёр, Увс аймаг, Тариалан сум Тарвагатай багийн “Увс” нуур /аймгийн төвөөс зүүн урд зүгт 30 км, сумын төвөөс зүүн урд зүгт 45 км/-т Гэр бүлийн хамт амарч явсан бага насны хүүхэд “Увс” нууранд живсэн тухай дуудлагыг өчигдөр 15:23 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчид очиж Ш /7 настай, эрэгтэй/-ыг эрэн хайх ажиллагааг зохион байгуулан, нуурын баруун урд эргээс 15 метр зайд, 3 метрийн гүнээс 16:45 цагт цогцсыг гаргаж, аймгийн Цагдаагийн газрын Мөрдөн байцаагчид шилжүүлэн өгсөн.