Шанхайн хамтын ажиллагааны байгууллагын дээд хэмжээний уулзалтын үеэр ОХУ-ын Ерөнхийлөгч Владимир Путин Казахстаны хуучин нийслэл Аламат хотод Монгол Улсын Ерөнхийлөгч Ухнаагийн Хүрэлсүхтэй уулзсан.
Хоёр жил гаруйн өмнө Украины түрэмгийллийн улмаас барууны орнууд эрс хатуу хориг арга хэмжээ авсны дараа Монгол Улс бизнес, худалдаагаа баруунаас зүүн рүү шилжүүлэх оролдлого хийж байгаа энэ үед Монгол Оросын хувьд улам бүр чухал түнш болж байна. Далайд гарцгүй, алслагдсан Монгол Улс Оросоос болгоомжилсон хэвээр байгаа ч Хятад, Орос хоёрын анхаарал улам бүр нэмэгдэж байгааг далимдуулан эдийн засгаа хөгжүүлэхийн тулд хөрөнгө оруулалт татаж байна.
“ОХУ-ын Ерөнхийлөгчөөр улиран сонгогдсонд тань баярлаж талархсанаа илэрхийлье. Энэ нь Оросын ард түмэн танд үзүүлж буй итгэл, бодлогыг дэмжиж байгааг дахин нотолж байна” гэж Монголын Ерөнхийлөгч Путинд хандан хэлжээ.
Путин уулзалтын үеэр Монгол Улстай эрчим хүчний салбарт хамтран ажиллах, тэр дундаа нүүрсустөрөгчийн нийлүүлэлтийг нэмэгдүүлэх боломжийн талаар хэлэлцжээ.
Тэрээр "Эрчим хүч бол бидний хамтын ажиллагааны гол чиглэлүүдийн нэг байсан бөгөөд одоо ч хэвээр байна” хэмээсэн байна. Мөн “Сибирийн хүч-2” хийн хоолойг Монголоор дайруулан барих асуудлыг хэлэлцсэн гэж ОХУ-ын Ерөнхий сайдын орлогч Александр Новак сэтгүүлчдэд ярьжээ.
