Хүний эрхийн үндэсний комиссоос цаг үеийн асуудлаар мэдээлэл хийлээ.ХЭҮК-ын ГХШХ-ийн дарга Г.Ууганбаатар: Наадмын үеэр унаач хүүхдийн эрхийн асуудал яригдана. Энэ хүрээнд унаач хүүхдийн амь нас, эрүүл мэндийг хамгаалах чиглэлээр холбогдох албан байгууллагууд эцэг эх, асран хамгаалагчдын зүгээс ямар арга хэмжээ авах шаардлага байна вэ гэдэг нь чухал.Хурдан морины уралдаан зохион байгуулж байгаа нөхцөл өмнөх үеэс өөрчлөгдсөн. Байгаль цаг уурын өөрчлөлтөөс гадна, унаач хүүхдийн эрсдэл янз бүрийн шалтгаанаар бий болж байна. Хурдан морины уралдаан хэдийгээр үндэсний өв соёл боловч хүүхдийн амь нас, эрүүл мэндийг болзошгүй эрсдэлээс хамгаалах зүй ёсны шаардлагууд тавигдаж байна.Жишээлбэл, 2024 оны эхний хагас жилд хурдан мориноос унаж нас барсан тохиолдол дөрөв бүртгэгдсэн байна. Үндэсний их баяр наадамд уралдах унаач хүүхдийн бүртгэл долдугаар сарын 8,9-нд болно. Унаач хүүхдийн амь нас, эрүүл мэндийг хамгаалах зорилгоор хувцас хэрэглэлийн стандарт хангаж байгаа байдал, даатгалд хамрагдсан байдал, эцэг эх асран хамгаалагчаас зохих зөвшөөрлийг авсан байдалд холбогдох албан тушаалтнууд хяналт тавина.
