Open iToim app
Нийслэл | 1 мин уншина

Улаанбаатар метроны зөвлөх үйлчилгээ үзүүлэх "Dohwa Engineering" гэж ямар компани вэ

Улаанбаатар метроны зөвлөх үйлчилгээ үзүүлэх "Dohwa Engineering" гэж ямар компани вэ
Нямдаваа ЭНХЖИН
+ Дагах
Нийтэлсэн 2024 оны 6 сарын 11
Улсдаа анхдагч “Улаанбаатар метро” төслийн зөвлөх үйлчилгээ үзүүлэх, ажлын даалгавар, техникийн тодорхойлолтыг боловсруулах үүргийг гүйцэтгэхээр БНХАУ, ОХУ, БНСУ, ХБНГУ, Япон тэргүүтэй нийт 11 улсын 20 компани саналаа ирүүлсэн билээ. Тус компаниудаас нэгдүгээр үе шатанд ОХУ-ын “NPS”, БНХАУ-ын “China Railway Design”, “Guangzhou Metro Group”, БНСУ-ын “Dohwa Engineering” зэрэг томоохон компаниуд шалгарч үлдсэнээс БНСУ-ын “Dohwa Engineering” компани зөвлөх үйлчилгээ үзүүлэх тендерт шалгарчээ.
“Dohwa Engineering” нь анх 1957 онд БНСУ-д байгуулагдаж, өдгөө тус улсын тэргүүлэх инженерчлэлийн зөвлөх компани болжээ. Тус компани нь усан хангамж, хот төлөвлөлт, автозам зохицуулалт, төмөр зам, усан боомт зэрэг дэд бүтцийн салбаруудад төлөвлөлт, техник, эдийн засгийн үндэслэл (ТЭЗҮ), зураг төсөл, дүн шинжилгээ, туршилт, үнэлгээний үйл ажиллагаа явуулдаг.
“Dohwa Engineering” компани нь Перу, Панам зэрэг улсуудад метроны төсөл хэрэгжүүлж байсан ба дэлхийн 80 улсад төсөл хэрэгжүүлж байсан арвин туршлагатай. Манай улсад ч мөн БНСУ-ын Экспорт-Импорт банкны буцалтгүй тусламжаар “Баянголын ам” түрээсийн орон сууцны төсөлд ТЭЗҮ-ийн судалгааны ажлыг гүйцэтгэн, хамтарч ажиллаж байсан билээ.
"Dohwa Engineering" компанийн зөвлөх үйлчилгээ үзүүлсэн Перу улсын метро
"Dohwa Engineering" компанийн зөвлөх үйлчилгээ үзүүлсэн Перу улсын метро
"Dohwa Engineering" компанийн зөвлөх үйлчилгээ үзүүлсэн Панам улсын метро
"Dohwa Engineering" компанийн зөвлөх үйлчилгээ үзүүлсэн Панам улсын метро
“Улаанбаатар метро” төслийг хэрэгжүүлэхэд “Dohwa Engineering” компани БНСУ-ын “Korean National Railway”, “Korail” компаниуд болон 2011 онд “Улаанбаатар метро”-ны үндсэн техник инженерийн төсөл боловсруулж байсан “Soosung Engineering” зэрэг компаниудтай хамтарсан түншлэлийн хүрээнд ажиллах юм байна.

Нямдаваа ЭНХЖИН
+ Дагах
Н.Энхжин нь 2024 он тавдугаар сараас iToim.mn сайтад сэтгүүлч, орчуулагчаар ажиллаж байна. Тэрээр МУИС-ийн хуулийн ангид суралцдаг.
Энэ мэдээнд өгөх таны сэтгэгдэл ?
Like reaction
...
Таалагдсан
Dislike reaction
...
Таалагдаагүй
Agree reaction
...
Зөв өнцөг
Онцлох мэдээ
Сүүлд нэмэгдсэн
footerLogo
АНАЛИЗ АГЕНТЛАГ
iToim.mn мэдээллийн сайтын сэтгүүлчид нь сэтгүүлзүйн салбарт 3-20 жил ажилласан туршлагатай, хөндлөнгийн болон мэргэжлийн шинжээчдийн байр суурийг эх сурвалжаас нь тоймлож, үйл явдлын үнэн хийгээд учир шалтгааны дүгнэлтийг олон нийтэд хүргэдэг цахим сэтгүүлзүйн шинэ өнгө аясыг Монголдоо нутагшуулахыг зорилго болгон ажилладаг мэргэжлийн баг юм.
facebookicontwittericonyoutubeicon
Холбоо барих:
phoneIcon
7705-7758
emailIcon
info@itoim.mn
handshakeicon
Хамтран ажиллах
© 2024 Хөх Ах НҮТББ