УИХ-ын дэгийн тухай хууль болон УИХ-ын тухай хуулиудад оруулах өөрчлөлт оруулахаар хуулийн төслүүдийг боловсруулаад байгаа. 126 гишүүнтэй шинэ парламентын дэгийг хэрхэн тогтоохоор хуулийн төсөлд тусгасныг хүргэе.

-УИХ-ын гишүүдийн дөрөвний гурав буюу 95 гишүүн сонгогдвол УИХ бүрэн эрхээ хэрэгжүүлнэ

-Найман байнгын хороотой байна

-Нэг байнгын хороо 25 гишүүнтэй байна

-Нэг гишүүн хоёроос илүү байнгын хороонд орохгүй

-Байнгын хорооны 25 гишүүнээс 13 нь ирсэн бол асуудлаа хэлэлцэн шийднэ

-Засгийн газрын гишүүд өөрийнх нь яамны харьяалалддаг байнгын хороонд орж ажиллахгүй

-Нэг байнгын хороонд Засгийн газрын хоёроос дээш гишүүн орохгүй

-Дэд хороо, хянан шалгах түр хороог УИХ-ын гишүүдийн гуравны хоёроос доошгүй нь санал гаргавал байгуулна

-Олон нийтийн анхаарал татсан асуудлыг хэлэлцэхдээ шүүхэд очихоос өмнө Хянан шалгах түр хороо байгуулна

-12 ба түүнээс дээш гишүүн сонгогдсон бол нам, эвсэл УИХ-д бүлэгтэй болно

-Аливаа хууль, асуудлыг хэлэлцэн батлах хугацааг УИХ-ын даргын зөвлөлөөс тогтооно

-Гишүүн бүхэн бус бүлгээ төлөөлж, асууж, үг хэлнэ

-УИХ-ын гишүүний халдашгүй байдал бүрэн эрхийг тусдаа авч үзэж хэлэлцэнэ

-Хариуцлага алдсан, ажлаа сайн хийгээгүй сайд нартаа хариуцлага тооцох саналыг УИХ-аас Ерөнхий сайдад тавина

-УИХ-д авсан суудлаараа үг хэлэх, асуулт асуух хугацааг тогтооно

-Улсын төсөв, Засгийн газрын үйл ажиллагаа мөрийн хөтөлбөр, Жилийн төлөвлөгөө, Таван жилийн төлөвлөгөө дээр хязгаарлалт тогтоохгүй, гишүүн бүхэн үг хэлж, асуулт асууна.