Дэлхий | 2 мин уншина

Goldman Sachs: Зэсийн ханш энэ онд 10 мянган доллар, 2025 онд 12 мянган доллар болно

Goldman Sachs: Зэсийн ханш энэ онд 10 мянган доллар, 2025 онд 12 мянган доллар болно
Нийтэлсэн 2024 оны 3 сарын 28

Зэсийн үнэ өсөх хандлагатай байгаа нь зах зээлийн өөдрөг үзлийг бий болгож, шинжээчид үнэ цаашид өснө гэж таамаглаж байна. “Goldman Sachs” 2025 оны дунд үе гэхэд 40 хувиар өснө гэж таамаглаж байна. Дэлхийн эдийн засгийн эрүүл мэндийг урьдчилан таамаглах чадвараараа  "Доктор Зэс" гэж нэрлэгдсэн  шар металлыг цахилгаан машин, салхи, нарны эрчим хүч, цахилгаан эрчим хүчний сүлжээнд ашигладаг учраас аж үйлдвэрийн дэвшил, цахилгаанжуулалт, тогтвортой байдлын шилжилтийн аль алинд нь улам бүр чухал байр суурь эзэлсээр байна.

Дэлхий байгаль орчинд ээлтэй ирээдүй рүү чиглэж байгаа энэ үед зэсийн эрэлт, нийлүүлэлтийн динамик байдал нь түүний үнэ цэнийг мэдэгдэхүйц дахин өсгөхөд хүргэсэн. Хоёрдугаар сарын дунд үеэс хойш зэсийн үнэ сүүлийн нэг жилийн хугацаанд хамгийн дээд цэгтээ хүрч өссөн ч сүүлийн үед бага зэрэг буураад байсан  билээ. Зэсийн үнийн өсөлтийн замнал нь юун түрүүнд Хятадын ашиггүй хайлуулах үйлдвэрүүдийн үйлдвэрлэл буурч, дэлхийн нөөц шавхагдаж байгаа зэрэг нь нийлүүлэлт чангарч байгаатай холбоотой юм.

ING-ийн түүхий эдийн стратегич Эва Мантей зэсийн талаар өөдрөг төсөөлөлтэй байгаа нь богино хугацааны эрэлтийн асуудал хэвээр байгаа ч металлын хэтийн төлөв гэрэлтэж байгааг харуулж байна гэжээ. Энэхүү эерэг хандлага нь Холбооны нөөцийн сангийн бодлогын хүүгийн хүлээгдэж буй өөрчлөлтөөс үүдэлтэй. Хятадын үл хөдлөх хөрөнгийн зах зээлийн уналт эрэлт хэрэгцээнд нөлөөлсөн хэвээр байгаа хэдий ч оны эцэс гэхэд зэсийн үнэ тонн тутамдаа 9,000 ам.доллар (8,300 евро) болж өснө гэж ING таамаглаж байна.

“Morgan Stanley Research”-ийн түүхий эдийн шинжээч Эми Гоуэр "Зэсийн тасалдал нь ойрын жилүүдэд илүүдэл биш харин алдагдалд хүргэх магадлалтай гэж таамаглаж байна” гэжээ. Голдман Сакс  зэсийн үнэ өсөх хандлагатай байгаа бөгөөд  12 сарын хугацаанд, ялангуяа энэ оны сүүлийн хагаст хомсдол улам хурцдаж байгаа тул үнэ 40 хувиар өснө гэж таамаглаж байна. “Goldman Sachs” нийлүүлэлтийн дарамт нэмэгдэж байгаатай холбоотойгоор энэ оны эцэс гэхэд нэг тонн зэсийн үнэ 10,000 ам.доллар (9,250 евро), 2025 оны нэгдүгээр улирлын эцэс гэхэд тонн нь 12,000 ам.доллар (11,100 евро) хүртэл өснө гэж төсөөлж байна.

Эх сурвалж: Euronews

2023 оноос iToim.mn сайтад гадаад мэдээний орчуулагчаар ажиллаж байна.
Онцлох мэдээ
Сүүлд нэмэгдсэн