Түүний гарт хүрэх гэж үүр цайна
Харц тулгарахад би дуртай
Уруулыг чинь уушиглая уртаар
Амьсгал чинь надад итгэл бэлэглэнэ
Босохоо мартаагүй бэлэг эрхтэн
Чи намайг мэднэ урьд нь уулзаж байсан
Түүний гарт хүрэх гэж үүр цайна
Харц тулгарахад би дуртай
Уруулыг чинь уушиглая уртаар....
• • •
Амны уншлага болсон энэ дуу арван жилийн өмнө гарсан. Гэхдээ өдгөө ч залуусын гудамжаар алхаж явахдаа, унтаж амрахын өмнө, хичээл сургууль дээрээ, шоу зугаа цэнгэл дээрээ сонсдог "маани" хэвээр байна.
Хэдийгээр энэхүү дууны утга санаа, сонсголонт байдал таатай ч тус дуутай холбогдох "Хамгийн сайхан нь" уран сайхны кино илүүтэй татна. Тэгвэл тэртээ 2014 онд нээлтээ хийж байсан уг киноны II анги дөрөвдүгээр сард кино театруудаар байршихаар болсон байна.
Тухайн үеийн залуусын дунд "Гудамжны яруу найрагч" нэрээр танигдсан Опозит хамтлагийнхны тоглосон гэр бүлийн үнэ цэн, хайр дурлал, харууслын талаар өгүүлэх "Хамгийн сайхан нь" кино нь ийнхүү арван жилийн дараа өнөө цагийн "яруу найрагч" Vande буюу Ш.Энхжамцын тоглосноор үзэгчдийн хүртээл болох нь.
Энэ удаагийн ангид Vandebo хамтлагийн гишүүн Ш.Энхжамц, жүжигчин Б.Ану-Үжин, МУГЖ Ё.Цог, Ч.Болд, Э.Мөнхбат нар тоглосон бол О.Батзориг кино зохиолыг бичиж, Б.Батбаатар ерөнхий найруулагчаар ажиллажээ. Ийнхүү олон жилийн дараа гарах гэж буй энэүү уран бүтээлийг Vandebo болон Опозит хамтлагийн сонсогчид хуруу даран хүлээж буй. Тиймдээ ч “Хамгийн сайхан нь 2” киноны эхний OST өнгөрсөн оны аравдугаар сарын 8-нд “Гэгээ” нэртэйгээр Sash, Vande нарын хамтралаар гарахад цахим сүлжээгээр "шуугиан" тарив. Гэхдээ тэд хүлээлтэд хэр хүрэх вэ?
2014 онд Mongolia Media Gruop, Очир фильм студийн хамтарсан бүтээл "Хамгийн сайхан нь" уран сайхны кино нь тухайн үедээ долоо хоногийн дотор орлого, үзэлтээрээ кино театруудыг тэргүүлж байв. Тухайлбал, уг кино зургаа хоногийн дотор 30,525,568 төгрөгийн орлого олж, тэргүүлсэн байдаг. Харин кино урлаг хурдацтай хөгжиж, томоохон продакшнуудын уран бүтээл театруудаар шавсан энэ үед тэд хэр амжилттай байх бол...
Нэгд, Хамгийн сайхан нь 30,525,568 төгрөг
Хоёрт, “Миний хайр” УСК 11,018,093 төгрөг
Гуравт, “Улаан пальто” УСК 6,053,667 төгрөгийн орлого олсон байна.
