Үндэсний аудитын газрын даргын орлогчоор Д. Загджавыг томилжээ.

Ерөнхий аудитор Д.Занданбатыг өнөөдөр УИХ-аар албан тушаалаас нь чөлөөлсөн. Д.Занданбат ажлаа өгөхөөсөө өмнө Д.Загджавыг Үндэсний аудиторын газрын даргын орлогчоор томилжээ.

Д.Загджав нь 2016 оны УИХ-ын сонгуулийн дараа буюу 2017 оны гуравдугаар сард Уул уурхай, хүнд үйлдвэрийн дэд сайдаар томилогдон ажиллаж байсан. Ингээд 2020 оны долдугаар сард ШШГЕГ-ын даргаар томилогдож байсан бөгөөд асуудалд орж, чөлөөлөгдсөн юм. Харин 2022 оны долдугаар сард Ерөнхийлөгчийн зарлигаар генерал цол хүртсэн билээ.

Тэрээр анх 1997 онд МАХН-ын бага хурлын гишүүн болсноор улс төрд орж, 1998-2000 онд Ардчилсан Социалист Оюутны холбооны Ерөнхийлөгчийн албыг хашсан. 2000-2008 онд нийслэлийн Хан-Уул дүүргийн засаг даргаар ажиллаж байгаад 2008 онд МАХН-аас нэр дэвшин УИХ-ын гишүүнээр сонгогдож дөрвөн жил ажилласан. Мөн Байгаль орчны яамны Төрийн нарийн бичгийн дарга, Монголын Энхтайван, найрамдлын байгууллагын ерөнхийлөгчөөр ажиллаж байжээ.