Монгол Улсын Их Сургуулийн Хууль зүйн сургууль энэ жил Улаанбаатар их сургуулийн хичээлийн байрт үйл ажиллагаагаа явуулахаар болжээ.

Тодруулбал, 2023-2024 оны хичээлийн жилийн намрын улирлаас эхлэн МУИС-ийн Хууль зүйн сургуулийн шинэ байр баригдах болсонтой холбоотойгоор хичээл, сургалтын үйл ажиллагааг хэвийн явуулах үүднээс МУИС-ийн Улаанбаатар сургуулийн хичээлийн байранд түр хугацаагаар хичээллэх шийдвэрийг МУИС-ийн Удирдах зөвлөлөөс гаргасан байна.

Иймд тус шийдвэртэй холбоотойгоор Улаанбаатар сургуулийн байршил, МУИС-ийн Төв байрнаас Улаанбаатар сургуулийн байр хүртэлх замын зураглалын мэдээллийг хүргэж байна.

Мөн МУИС-ийн Хууль зүйн сургуулийн хичээлийн байр өөрчлөгдсөнтэй холбоотойгоор оюутнуудад хүндрэл учруулахгүй байх үүднээс “МУИС-Улаанбаатар сургууль” гэсэн маршрутаар автобус явуулах талаар холбогдох албан тушаалтанд хүсэлтээ уламжилсан бөгөөд одоогоор шийдэгдээгүй байгаа аж.