БНХАУ-ын дарга Ши Жиньпин АНУ-ын Төрийн нарийн бичгийн дарга асан Хенри Киссинжерийг Бээжинд угтан авч, хоёр орны харилцаа нэн чухал мөчид байгааг онцолжээ.
Саяхан 100 нас хүрсэн Америкийн ахмад дипломатч өмнө нь Хятадын Батлан хамгаалахын сайд Ли Шанфутай уулзсан юм. Ши Жиньпин пүрэв гарагт зочиндоо хандан "Хятад, АНУ эндээс хаашаа явах вэ гэсэн замын уулзвар дээр байна. Хоёр тал дахин сонголт хийх шаардлагатай байна" гэжээ.
Мөн Ши Жиньпин "Хятадын ард түмэн хуучин анд нөхдөө хэзээ ч мартдаггүй. Бээжин хоёр гүрэн энхтайвнаар зэрэгцэн орших арга замыг судлахад бэлэн байна” гэжээ.
Ерөнхийлөгч Ричард Никсон Төрийн нарийн бичгийн дарга, үндэсний аюулгүй байдлын зөвлөхөөр ажиллаж байсан Киссинжер “Хятад, Америкийн харилцаа бол дэлхийн энхтайван, хүн төрөлхтний нийгмийн хөгжил дэвшлийн асуудал" гэж онцолжээ. Тэрээр мягмар гарагт Батлан хамгаалахын сайд Ли Шанфутай уулзах үеэр Киссинжер хоёр үндэстнийг одоогийн сөргөлдөөний хандлагаасаа буцахыг уриалав. Сүүлийн хэдэн жилд АНУ, БНХАУ-ын харилцаа, ялангуяа Тайвань болон худалдааны асуудлаас болж байнга муудаж байна. Вашингтон нөхцөл байдлыг намжаахын тулд Төрийн нарийн бичгийн дарга Антони Блинкен тэргүүтэй хэд хэдэн дээд албан тушаалтныг Бээжин рүү илгээсэн. Байдены засаг захиргаа Тайбэйг зэвсэглэж, Австрали, Япон, Өмнөд Солонгос тэргүүтэй Ази, Номхон далайн бүс нутагт цэргийн эвслийг бэхжүүлж байгаа юм. Өнгөрсөн долоо хоногт Вильнюс хотноо болсон эвслийн дээд хэмжээний уулзалтын үеэр НАТО Хятадыг АНУ тэргүүтэй блокийн ашиг сонирхолд заналхийлсэн “албадах бодлого” явуулж байна гэж буруутгасан.
