Үндэсний их баяр наадмын тасалбар болон автомашины зогсоолын зөвшөөрлийг өнөөдрөөс буюу долдугаар сарын 1-ний 11.00 цагаас эхлэн цахимаар худалдаална.
Ингэхдээ зогсоолын зөвшөөрлийг нэг хүнд 5 хүртэлх тоогоор авч болохоор зохицуулсан бол наадмын тасалбарыг SHOPPY компани хариуцаж, цахимаар худалдаалахаар болсон юм. Тодруулбал, хоёр өдрийн тасалбар тус тусдаа www.ENAADAM.mn сайтаар худалдаалагдах бөгөөд нэг хүнд 2 ширхэгийг худалдаалахаар зохицуулсан байна. SHOPPY ХХК-ийн гүйцэтгэх захирал Батзул: Энэ жил наадмын тасалбарыг shoppy компани цахимаар борлуулна. Хүргэлтийг Монгол шуудан компани хариуцан ажиллана. Өмнөх жилүүдэд 11, 12-ны өдрийн тасалбарыг хамтад нь борлуулж байсан бол энэ жил 11, 12-ны өдрийн тасалбарыг тус тусад нь борлуулна. Enaadam.mn сайтаар тасалбарыг борлуулна. Машины зөвшөөрөл-21000 төгрөгөөр борлуулна гэсэн юм.
Тасалбар авахдаа Enaadam.mn руу ороод бүртгэлээ хийлгээд нэвтэрсэн байх шаардлагатай. Нэг хүн хоёроос дээш тасалбар авах боломжгүй. Тодруулбал, нэг өдрийн 2 тасалбар буюу 2 өдрийн үзвэр үзэх бол 4 тасалбар авах боломжтой гэсэн үг. Мөн нэг хүн авто машины 5 зөвшөөрөл авах боломжтой. Иргэн суудлаа сонгосноос хойш нэг цагийн дотор төлбөрөө төлөх хугацаатай. Долдугаар сарын 1-10 хүртэл тасалбарыг хаягаар хүргэж өгнө. Урьдчилаад Enaadam.mn руу ороод бүртгэлээ үүсгээд, мэдээллээ бөглөсөн байх хэрэгтэй. Түүнчлэн энэ жил жуулчдад олгодог тасалбарын тоог энэ жил нэмсэн байна.
