Гадаад харилцааны сайд Б.Батцэцэг нисэх онгоцны буудал саатаад байсан ОХУ-ын иргэнийг Монгол Улсад нэвтрүүлсэн эсэх асуудалд тайлбар өглөө.

Тэрээр "Манай төрийн байгууллагууд хуулийн хүрээнд ажилласан.ОХУ-ын иргэн Батир Боромангнаев эрх зүйн хувьд баримт бичгийн зөрчилтэй, хугацаа нь дууссан паспорттой учир Монгол Улсад нэвтрүүлэх боломжгүй. Бид хуулийнхаа хүрээнд л ажилласан. Тус иргэн өнөөдөр 12:45 цагт Монгол Улсаас гарсан. Өөрийнх нь хүсэлтийн дагуу хаашаа явсан талаар нь мэдээлэх боломжгүй.

Засгийн газрын авч хэрэгжүүлж байгаа 5Ш арга хэмжээний хувьд ОХУ-ын иргэн Батир Боромангваев нь хэрэгт холбогдсон нь үнэн, яллагдагчаар татагдсан, интерполоор эрэн сурвалжлагдаж байгаа тохиолдолд гаднын улс орнууд дэмжлэг туслалцаа үзүүлнэ. Бусад шалтгаанаар ямар ч улс орон хүлээн зөвшөөрөхгүй.

Монгол Улс дүрвэгсдийн олон улсын конвенцод нэгдээгүй, Хүмүүнлэгийн гэрээ конвенциудыг зөрчсөн үйлдэл байхгүй. ОХУ-ын иргэн Батир Боромангнаевт шаардлагатай тусламжийг үзүүлсэн. Өөрийнх нь хүсэлтийг харгалзаж өөр улс орон руу явах хүсэлтийг нь НҮБ-ын харьяа байгууллагад хандаж мэдээлсэн. Олон улсын гэрээ конвенцын дагуу бид хүлээсэн үүргийнхээ хүрээнд ажилласан. Шаардлагтай тусламж, дэмжлэгийг нь үзүүлж байгаад явуулсан. ОХУ, Казахстан руу яваагүй, өөр газар руу явсан" гэлээ.

Т.Амаржаргал