Олон улсын валютын сан (ОУВС) болон Дэлхийн банк Монгол Улсын төсвийн зарлага нэмэгдэх нь инфляцын дарамтыг улам өсгөх эрсдэлтэйг анхаарууллаа. Тэр дундаа уул уурхайн салбарын тогтворгүй орлогоор төсвийн зардлыг огцом нэмэгдүүлэх нь эдийн засгийн эмзэг байдлыг нэмэгдүүлж болзошгүй гэж үзжээ.

ОУВС-гийн ахлах эдийн засагч Тахсин Саади Седик тэргүүтэй баг есдүгээр сарын 23–29-нд Монгол Улсад ажиллаж, макро эдийн засгийн нөхцөл байдал болон 2027 оны төсвийн төлөвлөгөөний талаар хэлэлцсэн байна.

Тус сангийн мэдээлснээр, Монголын эдийн засаг зэсийн олборлолт, үнийн өсөлтийн үр шимийг хүртэж байгаа бөгөөд энэ нь эдийн засгийн өсөлт, экспорт, гадаад валютын нөөц болон төсвийн орлогыг нэмэгдүүлэхэд дэмжлэг болжээ.

Гэвч 2026 оны төсвийн тодотгол болон 2027 оны төсвийн төсөлд тусгасан зарлагын өсөлт эдийн засгийн эрсдэлийг нэмэгдүүлж болзошгүй байна. Учир нь төсвийн зарлагыг тогтворгүй шинжтэй уул уурхайн орлого болон нэг удаагийн ногдол ашгаар санхүүжүүлэхээр төлөвлөжээ.

Төсвийн зарлага өсөх нь инфляцад дарамт учруулна