Боловсролын сайдын тушаалаар байгуулсан ажлын хэсэг аравдугаар сарын 12-17-ны өдөр Баян-Өлгий аймагт ажиллажээ. Ажлын хэсэг аймгийн Боловсролын газар, Насан туршийн суралцахуйн төв, ерөнхий боловсролын сургууль, цэцэрлэг, мэргэжлийн болон дээд боловсролын сургалтын байгууллагууд зэрэг салбарын бүх шатны байгууллагын үйл ажиллагаатай танилцаж, бодлогын хэрэгжилтэд үнэлгээ хийн, мэргэжил, арга зүйн зөвлөгөө өгсөн байна. 

Шалгалтын дүн хангалтгүй гарав

Ажлын хэсгийн онцгойлон анхаарсан асуудлын нэг нь багш, удирдах ажилтнуудын монгол хэлний мэдлэг, чадвар байжээ. Монгол хэлний түвшин тогтоох шалгалтад бага ангийн болон монгол хэл, уран зохиолын багш, сургуулийн захирал, сургалтын менежер, цэцэрлэгийн эрхлэгч, Боловсролын газрын ажилтан, Боловсролын их сургуулийн харьяа салбар сургууль, Багшийн коллеж болон мэргэжлийн, дээд боловсролын сургалтын байгууллагын багш нарыг хамруулсан байна.

Боловсролын яамны Ерөнхий боловсролын газрын дарга Л.Ганбатын мэдээлснээр, шалгалтын дундаж үнэлгээ дараах байдалтай гарсан байна.