Дэлхийн банкнаас өчигдөр буюу 2026 оны аравдугаар сарын 28-нд “Түүхийн эдийн зах зээлийн тойм"-оо нийтэлжээ. Тус тойм тайланд дурдсанаар дэлхийн түүхий эдийн үнэ 2026 онд 23 хувиар өсөж, 2027 онд 7 хувиар буурах төлөвтэй байна. Түүхий эдийн өсөлт саарч байгаа нь дэлхийн геополитик, мөргөөний нөхцөл байдлаас хамаарч байна гэжээ.

Дэлхийн банкны тоймыг харахад Монголын хувьд эерэг болон сөргөөр нөлөөлөх хоёр талтай мэдээ байна. 2027 онд экспортын гол бүтээгдэхүүн болох зэс, нүүрс, алтны үнэ өндөр байгаа нь орлогод сайнаар нөлөөлнө. Харин шатахуун, хүнс, бордооны импортын үнэ өсөх нь инфляцад дарамт болохоор байна.

Зэс: Монголын хамгийн том боломж

Дэлхийн банк 2027 оны зэсийн үнийн таамгаа өнгөрсөн дөрөвдүгээр сарынхаас 18 хувиар өсгөж, тонн нь $13,000 болгосон байна. 2026 онд тонн зэсийн дундаж $13,200 буюу өмнөх оноос 32.7 хувиар өндөр байх бөгөөд дараа жил ердөө 1.5 хувиар буурах тооцоо гаргажээ.