УИХ-ын чуулганы хуралдаанаар Монголбанкны Тэргүүн дэд ерөнхийлөгчөөр Э.Анарыг томиллоо.

Нууц санал хураалт явуулахад 84.6 хувийн саналаар Э.Анарыг Монголбанкны Тэргүүн дэд ерөнхийлөгчөөр томилохыг дэмжлээ. Өчигдөр УИХ дахь АН-ын бүлгээс тус асуудлаар хоёр хоногийн завсарлага авах хүсэлт гаргаж УИХ-ын дарга нэг хоногийн завсарлаг өгсөн. Тэгвэл өнөөдөр завсарлагын хугацааг сунгах санал гаргасан ч хүлээж аваагүй, санал хураалт явуулав. Тэрээр МАН-ын дарга асан, УИХ-ын дарга асан М.Энхболдын хүү бөгөөд Монголбанкинд 16 жил ажилласан.

Ажлын туршлага:

• Монголбанкны Төлбөр тооцооны газрын захирал
• Монголбанкны Төлбөр тооцоо, бүртгэлийн газрын захирал
• Хяналт шалгалтын газрын Зайнаас хяналт тавих хэлтсийн хянан шалгагч
• Валют, эдийн засгийн газрын Санхүүгийн зах зээлийн хэлтсийн нөөцийн мэргэжилтэн

Боловсрол:

• Японы Хакүо их сургууль, Бизнесийн удирдлагын чиглэлээр бакалаврын зэрэг
• АНУ-ын Колумбын их сургууль, Төрийн захиргаа, удирдлагын чиглэлээр магистрын зэрэг хамгаалжээ